الخميس , يونيو 3 2021
محمد فتحى

أتمنى الخير .

هيحصل ايه لو كل واحد منا أتمنى الخير للتانى
هتبقى الدنيا بجد جميلة و ليها معانى
هتحب غيرك من ضميرك
هتلاقى ربنا كتر خيرك
أزعل و سامح خاصم و صالح
أوعى تخلى الشر أسيرك
هيحصل أيه لو كل واحد منا أتمنى الخير للتانى
محدش أبدا فى الدينا هيكون وحداني
خليك إنسان قلبه مليان
محبة و فرح و خير و أمان
خلى السماح ليك مفتاح
هتقدر تفتح أى بيبان
هيحصل أيه لو كل واحد منا أتمنى الخير للتانى
مش هتلاقى ابدا مظلوم ولا جانى
راعى ربك دايما بقلبك
تلاقيه تملى واقف جنبك
عامل الناس بمحبة و إخلاص
حاول تخلى الكل يحبك
فيها أيه لو كل واحد منا أتمنى الخير للتانى
هتلافى مليون شط و مرسى كتير و موانى
هتحب السلام زى الحمام
هتلاقى الدنيا بتحلى قوام
متخليش الشر مرسى و بر
أصله بيغرق مش عوام
فيها أيه لو كل واحد منا أتمنى الخير للتانى
محدش أبدا فى الدينا هيبقى انانى
ازرع الأرض فل و ورد
هتزرع شوك هتنجرح اليد
كلمات سهلة مش مستهلة
كتبها شاعر على القد
فيها أيه لو كل واحد منا أتمنى الخير للتانى
مش هتلاقى ابدا فى الدنيا إنسان بيعانى
كلمات : محمد فتحى

شاهد أيضاً

بلاغ للسيد الرئيس عبد الفتاح السيسى

بقلم الدكتور عماد فيكتور سوريال في مقالتي،اليوم بهدوء بلاغ لرئيس الجمهورية.،واستكمالا،لما اكتب عن الفساد،والذي أصبح …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *