الثلاثاء , مايو 18 2021
محمد فتحى

( الست المصرية ) .

عارف مين دية
دى الست المصرية
اللى متغلبهاش قيود
او حتى حواجز و سدود
أقسم بربنا المعبود
متعرفش غير الحرية
دايما ليها دور
بتزرع الأرض البور
بتخلى العتمة نور
زى نهار الصبحية
راجل وقت الحروب
متعرفش معنى الهروب
عدوها تملى مغلوب
أصلها واقفة عفية
وقت الحروب و النار
متعرفش معنى الانكسار
بتقدر تاخد تار
أصلها دايما قوية
هي بجد لطيفة
لكن مش ضعيفة
اوقات بتكون مخيفة
ساعت الجد الحقيقية
ياما ربت أجيال
خليتهم عال العال
ينضرب بيها المثال
حاجة بجد بهية
حاجة بجد عظيمة
كفاح و تحدى و عزيمة
شرف و قوة و قيمة
اقدملك أجمل تحية
ربنا يخليكى لينا
يا أم مروة و مارينا
يالى بجد علمتينا
معنى كلمة الوطنية
كلمات : محمد فتحى

شاهد أيضاً

مولد سيدى الراهب المشلوح

بقلم الدكتور عماد فيكتور سوريال في الحقيقة لم اعد انتظر للغد لموعد مقالتي بهدوء لأكتب …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *