الجمعة , مايو 21 2021
محمد فتحى

(يلاه يا مسيحى و يلاه يا مسلم) .

يلاه يا مسيحى ويلاه يامسلم
نطوى الفتنه و تعبها المؤلم
انت حبيبى و انا حبيبك
بنور هلالى وياه صليبك
هنور كل شئ معتم
حياتنا والله ولا المحنه
السبب فينا طبعا احنا
ما هو لو بنسامح بعضينا
الحب هيجنى فى اراضينا
و هيطرح الخير فى صالحنا
لما هنئسى و هنعاند
هنتوه فى السكه ونتباعد
ده بضمة يدك على يدى
هندوس على المحنه و هنعدى
و ايد على ايد بتساعد
الفتنه ده جديده علينا
الفتنه و الله مالينا
عايزه تقضى على جيلنا
مع انى قرأنا و انجيلنا
امروا يكون الحب مالينا
يالاه نقضى على الفتنه
بسم الله و بسم محبتنا
اصلها لو قدرت تهزمنا
هتفرق بينا و تقسمنا
و ده ياما كتير وريتنا
وحدتنا طبعا مطلوبه
عمرها ما تكون مغلوبه
لكن لما هنفرق
لازم المركب تغرق
لمتنا يا مصرى مرغوبة
يلاه نعيش فى أمان
نرجع اخوات زى زمان
عارف لما ننسى اى عداوة
كل اللى ما بننا هيتداوه
ساعتها هنؤدى رسالة الاديان
كلمات : محمد فتحى

شاهد أيضاً

مولد سيدى الراهب المشلوح

بقلم الدكتور عماد فيكتور سوريال في الحقيقة لم اعد انتظر للغد لموعد مقالتي بهدوء لأكتب …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *