الجمعة , يونيو 4 2021
حبيب عبد النور

( تيران وصنافير كلاكيت 3 مرة ) من وجه نظري المتواضعة .

بقلم حبيب عبد النور
من قرأتي للتاريخ جزر تيران و صنافير مضيق استراتيجي حيوي و قاتل في نفس الوقت للملاحة الإسرائيلية في خليج العقبة و سبب اشتراك اسرائيل في العدوان الثلاثي مع فرنسا و انجلترا و بالفعل بعد انسحاب اليهود في 1957 بعد فشل العدوان الثلاثي عرفوا يطلعوا باتفاقية دولية تضمن لهم حرية الملاحة في العقبة و ايام حرب 67 إسرائيل احتلتهم مع شرم الشيخ عشان تضمن السيطرة الكاملة علي الممر الملاحي ده ..يعني مسألة الجزر دي لليهود حياة أو موت و ممكن تقوم بسببها حرب في اي لحظة و ده مثبت تاريخيا مرتين في 56 و 67 ….الموقف دلوقت باختصار هو ان مصر و إسرائيل قافشين في زمارة رقبة بعض …إسرائيل بتدير ملف سد النهضة من خلف الحكومة الصهيوامهرية في إثيوبيا و تقفل علي مصر منابع الجنوب و بالتالي مصر قررت تلاعبهم بنفس قذارتهم و توصل لهم رساله اننا كمان هنقفل عليكم الجنوب بصورة غير مباشرة بتنازل صوري للسعودية و تواجد عسكري مصري فعلي علي الجزر و حاجة من اتنين أما المشروع ده هيبقي مجرد كارت و تلويح قوي باستغلال النفوذ المصري مقابل أن إسرائيل تتراجع عن فكرة السد و ترضخ لشروط مصر و تبقي واحدة بواحدة و اما المشروع هيتم البدء فيه فعلا و في الحالة دي الحرب حتمية و لا يمكن تفاديها و الإعداد لها هيكون أولوية و هتكون مع رأس الأفعى إسرائيل مباشرة بدل من ديولها في إثيوبيا اللي هتتقطع برده عاجلا أم اجلا و ان غدا لناظره قريب و الأيام بيننا و اليهود مستنيين يشوفوا الموضوع هيخلص علي ايه في مصر هل يترفض داخليا و لا لأ و بيستعدوا للحرب من دلوقت …
تحيا مصر تحيا مصر تحيا مصر

شاهد أيضاً

البحث عن الهدف والمنهج الأنطوني –

بقلم Tony Marcos أبونا أب رهبان العالم الأنبا أنطونيوس كان شابًا غنيًا من أعيان بلدته، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *