الخميس , مايو 27 2021

كلمتين من الأخر .

بقلم حبيب عبد النور
=======
لما مرسي عزل طنطاوي وجاب السيسي قالك وزير دفاع بنكهه الثوره
لما السيسي عزل مرسي. قالوا أمه يهودية وصناعه امريكيه
ولما السيسي أعلن عن مشروع قناه السويس الجديده قالك دا مشروع مرسي وبعدها قالك مفيش فلوس وهيبيع للامارات
ولما طلب التمويل من الشعب قالك محدش هيدفع. ولما الشعب دفع قالك دا بيبيعلهم الوهم
ولما بدا الحفر قالوا هتنهار
ولما عمل جسر الملك سلمان قالك هيضيع قناه السويس الجديده والقديمة
كانوا بيقولوا ان الاٍرهاب فزاعه عاملها السيسي ولما شافوا التفجيرات. وكل يوم جنود بتموت
قالك الجنود بتحارب وتموت والضباط قاعدين ف المكيفات
ولما أتقتل قيادات قالك دا جزاء اللي يقتل المستضعفين في سيناء ويهجر اَهلها
ولما اكتشفنا حقل الغاز قالك دا وهم
ولما السيسي قال لو كان لقبرص حق ف الغاز كنت هعطيهولها
قالوا يالهوي هيتنازل عن الغاز المصري لقبرص
ولما أتقتل ١٦ مصري في ليبيا
قالك فين مسافه السكه ويسقط يسقط اي رئيس طول ما الدم المصري رخيص
ولما الطيران المصري دك داعش
قالك الحقوا الجيش بيقتل المدنيين. ف ليبيا والأطفال وبيساعد حفتر.
والله لو السيسي كان رفض يعطي الجزر للسعوديه كانوا هيقولوا شوفوا التاريخ والوثائق بتقول ان الجزيرتين سعوديه. ومش راضي يديهالهم علشان يسيبها لإسرائيل وقوات خفظ السلام
يااخي بدل ما تحتل ارض الناس عمر ارضنا الاول في سينا
خلاصه القول ان الناس دي ضدك علي طول الخط وهيفضلوا ضدنا وهيخالفونا وعمرهم ما هيقولوا علي حاجه صح او يقولوا الحق
لان قضيتهم سلطه وقصر
لكن احنا قضيتنا ……..تحيا مصر……
فهمتوا ولا نقول كمان ….

شاهد أيضاً

انجازات القمص صرابامون الشايب في دير القديسين

انجازات أبونا صرابامون في دير القديسين كثيرة حافظ فيها على التراث وأضاف من الحداثة ما …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *