الأحد , مايو 16 2021
مدحت عويضة

فاكسات مهاجر: يرسلها مدحت عويضة

السيسي

أوعي تتكل علي حزب الكنبة

صدقني مع أول صفارة خطر

تلاقيه رجع لزق في الكنبة تاني.

وزير الداخلية

يعني لو أنت صاحي وقبضت

علي المتهمين قبل دخول النقابة

مش كنت وفرت علينا وجع الدماغ والفضايح.

يحيي قلاش

أرزاق قبل اقتحام النقابة كنت

إللي تقوله قلاش لا يقولك هات

ماشي لا يقولك عندي السكر.

ولا حد كان يعرف يحيي قلاش.

الإخوان

حرقتم القاهرة سنة 1952

وشكلكم عملتوها تاني 2016

يحرق قلوبكم جماعة عايزه الحرق بجاز.

البشير

طالبت بنت عبد الناصر بالبحث في

ملابس والدها لأثبات سودانية حلايب وشلاتين.

أطمئن عبد الناصر كان بيدي الهدوم للبواب

بمجرد وصوله من السودان..

دور علي بنت البواب بقي.

الإبراشي

مش عارف مين يستحق

الهجوم عليه الراجل اللي بيناقش

قضية ولا أطراف القضية

أو اللي عملوها قضية اصلا.

محمد حسان

سمعت أن فضيلتك وحزب النور

شغالين علي تجديد الخطاب الديني،

فينك يا جدتي صفية تغطيني

وتصرخي عليه ما هو ما فيش فايدة.

وزير التعليم

شوفت لندن بقي فيها عمدة مسلم وانت

مش قادر يبقي عندك مديرة مدرسة

مسيحية ما هو ده الفرق بين بلد

محترم وبلد عليه العوض فيه.

دونالد ترامب

بيقولك ملايين الأمريكيين

هيهاجروا لكندا لو أنت كسبت الانتخابات

وأنا هبقي صعيدي مفتح وأنت

لو كسبت أنا أهاجر لأمريكا.

أوباما

لو كسب ترامب هيكسب

مش علشان الشعب بيحبه لا خالص هيكسب

علشان الأمريكان كرهوا وشك وشكلك وأسلوبك.

مرتضي منصور

كل شوية تغير مدرب ما تلبس

شورت يا اخويا وتنزل تدرب الفرقة

وتريحنا من ديك التغييرات دي.

ألمانيا

أول حادث إرهابي في ألمانيا ربنا

يكون في عونكم بس افتكروا أننا

ياما حذرنا لكن خالتي ميركل

بما بتسمعشي لحد.

خالد صلاح

أنا كنت فاكر أن مصطفي بكري

مالوش خليفة من بعده اكتشفت

ان خلف لنا في الصحافة خالد صلاح

في الرقص علي كل الألوان

شاهد أيضاً

أبونا صرابامون الشايب ظاهرة إنسانية

جميل نصري امين من الصعب جدأ أن تقول كلمة وداع لرجل مثل أبونا صرابامون الشايب …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *