الإثنين , يونيو 22 2020
التحرش

أشهر ما قاله النشطاء بشأن واقعة تحرش التحرير يوم تنصيب السيسى .

 التحرش
التحرش

الأهرام الجديد الكندى
كلمات تداولها النشطاء فيما بينهم بصورة واسعة على شبكة التواصل الأجتماعى قالوا فيها
اللي حصل في التحرير ده ملوش علاقة ب٣٠ يونيو ولا ٢٥ يناير ولا سيسي ولا فلول ولا ثوار ولا مرسي ولا اخوان ومش اخوان
اللي حصل في التحرير ده ليه علاقة بينا كلنا ، ليه علاقة باحنا عايشين فين وازاي
ليه علاقة بان المجتمع ده كله مسئول عن اللي حصل
ليه علاقة بان مجتمع كامل بيعامل البنت على انها مجرد “،شيء” لاشباع الرغبات وبس
مجرد “شيء” وجودها يجلب العار
مجرد “شيء” مذنب على طول الخط
مجرد “شيء ” ممكن يتشكل لاي نوع من انواع المتعة
منتهى القرف اللي عايشين فيه
منتهى القرف ان اللي حصل في التحرير ده كانت نتيجة مبررات هي لابسة ايه ولا شكلها كان ازاي ولا هي ايه اللي وداها هناك
منتهى القرف ان يكون بعد كل جريمة قذرة اللوم يكون على الضحية ويدمروها طول حياتها بالعار برغم من انها الضحية لكن يحولوها للجاني والجاني يحولوه لضحية الفقر والتعليم
منتهى القرف لما تكون المعالجة في قهر البنت زيادة
منتهى القرف في ان عيب تتكلمو في اللي حصل
منتهى القرف لما يتحول الموضوع ل”سمعة مصر”
منتهى القرف لما يتقلب اللي حصل في التحرير لجدل سياسي
البنت المصرية بتصرخ من زمان اوووي وبتعملو نفسكو مش واخدين بالكو
الجاني هنا هو كل واحد بيودي وشه الناحية التانية
الجاني هنا هو كل “راجل” بيبرر كل حالة تعدي على البنت
الجاني هنا هو المجتمع اللي بيشوف ان “الراجل” يعمل اللي هو عايزه
اتفووو على ده مجتمع ودي دولة يحصل فيها للبنت كده في كل تجمع وتكون النتيجة هي السكوت
وياريت قبل ما كل واحد يشوف اللي حصل ويقول الحل اننا احنا كـ “رجالة” لازم ننزل نحمي “البنت” من التحرش
احب اقوله احمي البنت منك الاول !

شاهد أيضاً

رسالة من الدكتور عماد فيكتور الى وزير الكهرباء

نويت اليوم أن أكتب في سلسلة مقالاتي بهدوء عن الفاعل الحقيقي في زيادة فواتير الكهرباء …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *