جريدة الأهرام الجديد الكندية 
مقالات مشابهة
كلمات : مـــارى تــــامر
ماتستغربوش ** لو الضحكه غابت وأختفت فوق الوشوش
ماتستغربوش ** لو يوم قابلنا أبونا أدم .. قولنا مين ده !!مانعرفوش !!
ماتستغربوش
لو شوفنا طبعنا يا بشر ** يشبه فى يوم طبع الوحوش
ما أحنا أتساهلنا ** فى كل شيىء !!
بعنا القٓريب ** قبل الغريب !!
حتى الصديق ** لو يوم وقع ..ما بنسندوش !!
والأب والأم اللى ربوا وتعبوا ** بقوا عايشين ضيوف
ماتستغربوش
الاخوات بقوا ** متفرقين عن بعضهم
ولا عادش دار ** ولا قلب .. يجمع شملهم
والغيره نار تحرق ** وتهدم حبهم
مع إننا فى الدنيا دى ** عايشين ضيوف
ماتستغربوش
لو يوم بقت ضحكتكوا ** معجونه بألم
أو مره مانفعش ** اللى فاضل م الندم
والشر بقى ياكل بلاد ** وفى لحظه تبقى كما العدم
وتعيشوا فيها بهمكم ** مابتفرحوش
ماتستغربوش
لو يوم زرعتوا الشر ** وحصدتوا السواد
والبركه غابت والفٓرح ** وقت الحصاد
أصل الحياه بالشكل ده ** من يومها .. وقانونها كدا
لو يوم زرعنا الحقد ** راح يطرح بارود
وإن يوم زرعنا الحب ** نفرح بالوجـــود
والخير يــعود !!
ماتستغربوش
