السبت , أبريل 23 2022
أخبار عاجلة
خالد حسان

(أفيقوا)

بقلم القانونى / خالد حسان
بعض الناس المسيحين ف مصر معتقدين إنهم مضطهدين طيب تعالوا نعرف معني الإضطهاد
الاضطهاد هو تجاوز الحد في السلطة وإرهاقها بتدابير عنيفة وجائرة اي إستخدام الطرق التعسفية التي توحي للظلم والقهر
ده المفهوم اللغوي والتفصيلي للمعني نفسه
هنيجي بقا لربط الإضطهاد فيما قد سلف
وهجيب بعض الأمثلة اللي بتوحي للإضطهاد بشكل كامل
‫#‏الإضطهاد_الروماني_من_الإمبراطور_دقليديانوس‬
‫#‏الحملات_الصليبية_التسعة‬ واللي كان فيها وسائل تعذيب يقشعر منها جلود الإنسان ده الغريب بقا والعجيب إن قادة الحملات الصليبية طلعوا بتصريح وقالوا كل من لا يتبع المذهب الكاثوليكي يقتل ع الفور ياااه ده حتي دول ناس من نفس دينكم !!!
الإضطهاد اللي تم من قادة اسبانيا علي المسلمين
كده اقدر اقولكم إن ده فعلا إضطهاد بمعني الكلمة
وزي اللي بيحصل ف بورما إضطهاد وغيره من الدول
الموضوع مش الدين انا مسلم او انت مسيحي او حتي يهودي كل ما في الأمر مين اللي ليه مصلحة في خلق الفتنة ؟؟؟
أعتقد إنها يد مخربة ورا الموضوع ده يد لا يهمها إلا التخريب والدمار وجعل الإنقسامية بين المصرين مسلمين ومسيحين
يا جماعة لازم نفوق شوية من الغيبوبة اللي احنا فيها والمفروض إننا نتكاتف ضد كل غلطة ع كل جريمة بتحصل فينا وف بلدنا بدل مانفكر بالتفكير اللي لا يودي ولا يجيب
إذا كنت حاسس انك عشان مسيحي تبقي مضطهد احب اقولك ان جارك مسلم واللي معاك ف وقت الأزمات مسلم وصاحبك مسلم زي ماانا كمان كرجل مسلم وجاري مسيحي وصاحبي اللي زي اخويا مسيحي وف وقت الازمة هلاقي مسلم ومسيحي واقفين جنبي ويكسروا الدنيا عشاني
ليه؟؟عشان مصر علمتنا كده عشان امهاتنا واباءنا عودونا من صغرنا ع كده اننا نحب بعض ولكم دينكم ولي دين نتكاتف ضد اي شئ يعادينا
ارجعوا يا اخواتنا لتاريخ عمرو بن العاص لتاريخ اشرف الخلق محمد صلي الله عليه وسلم واقروا من الناحية التاريخية عشان تعرفوا المعاهدات اللي تمت ف عهد الرسول وانه صلي الله عليه وسلم قال من أذي ذميا فقد أذاني
عمرو بن العاص دخل مصر دون ان يهدم كنيسة او يقتل قبطي وعم السلام منذ القدم ف مصرنا الحبيبة ده بالعكس انقذكم وانقذ كل الأقباط من الإضطهاد الروماني
الفكرة مش ف اني انا مسلم وانت مسيحي الفكرة ان ف يد عاوزة تعمل فرق بين المسلم والمسيحي ف مصرنا الحبيبة
وربنا يصلح الحال
وحسبي الله ونعم الوكيل ف كل واحد خلق الفتنة او قتل او سحل لإن الدين برئ تماما مما يحدث

شاهد أيضاً

المفكر الاقتصادي والأمين المساعد لشئون العضوية بأمانة الجيزة لحزب الشعب الجمهوري ناصر عدلي محارب يشيد بدعوة الرئيس السيسي للحوار السياسي الشامل

أشاد المفكر الاقتصادي ناصر عدلي محارب ـ رئيس مجلس إدارة المواطنة نيوز، و الأمين المساعد …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *