الإثنين , أبريل 25 2022
محمد فتحى

( كلنا مصريين )

كلنا مصريين
بروحنا حاربنا
فداه ترابنا
فى تلاتة و سبعين
كلنا مصريين
بالمسلم و القبطي
يا بلدنا رجعتي
لنا إحنا الإتنين
يلاه بينا بقى يا أولادنا
نحافظ علي مصر بلدنا
أمتى نسلمها لاحفادنا
ورد و فل ربيع
سيبك من قولنا قال
صدقنى هينصلح الحال
مصر عال العال
دايما فوق الجميع
كلنا مصريين كلنا مصريين كلنا مصريين
أنت يا تابع الرسول
انت يا تابع المسيح
لازم محبتنا تطول
خلى الحب صريح
لما نضم أيدينا
دايما مع بعضينا
هنقدر نقف للريح
بحق المحبة و الرضا
ازاى نكون عداه
فعلا الحكاية كده
ولا يصح إلا الصحيح
كلنا مصريين كلنا مصريين كلنا مصريين
نسينا ليه الهلال
نسينا ليه الصليب
لما الدم سال
فداه وطنا الحبيب
احنا كلنا ضحينا
بروحنا كمان فدينا
كلنا ضد الغريب
مصر أم الكل
ضحكتها ورد و فل
تبص ليها و تطل
تلاقى جرحك يطيب
كلنا مصريين كلنا مصريين كلنا مصريين
كلمات : محمد فتحى

شاهد أيضاً

المفكر الاقتصادي والأمين المساعد لشئون العضوية بأمانة الجيزة لحزب الشعب الجمهوري ناصر عدلي محارب يشيد بدعوة الرئيس السيسي للحوار السياسي الشامل

أشاد المفكر الاقتصادي ناصر عدلي محارب ـ رئيس مجلس إدارة المواطنة نيوز، و الأمين المساعد …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *