جريدة الأهرام الجديد الكندية 
مقالات مشابهة
يا بلدي عشمان اعيش فيكي
الاقي السلام هو اللي حاميكي
مرجعش ابكي وادمع عليكي
وادور علي اللي يواسيكي
يا بلدي في محمد و مينا
اللي كانوا بيقوده السفينه
ويعدوا بيها في بر الامان
بإيد واحده ثابته و ماتينه
خايف يا بلدي تعدي بيا
والنهار يطلع كده عليا
الاقي الحرب بينا شغاله
ونبقي في حرب اهليـا
عايز احلم يا بلدي بالسلام
عايز اخش في مرحله الامان
مالقيش اللي يخبط علي بابي
اجي افتح الاقي العدوان
فين يا دنيا الجامع و الكنيسه
ولا انا عايش في بلد خبيسه
اجي اصلي في اي مكـــان
اشوف ناس مش حاسيسه
اللي بيقول اللي في الكنيسه كفار
واللي بيقول انا هحرق الجامع بالنار
ومش عارف امتي بس اشوف فين السلام
وحاسس ان الظلم واقف جنب الدار
اصحي يا بلدي و فوقي شويه
مش عايز اشوف فيكي ضاحيه
علشان دموعي علي خدي
ومش اعرف اقول وده عيب فيه
نفسي يا بلدي اعيش فيكي
اشوف وبسيفي انا احميكي
امشي بالسلام وبيكي
ومدورش علي حـــــد
انا في جرحك اواسيكي
كلمات الشاعـــر ابرام كمـــال
