الجمعة , مارس 29 2024
ابراهيم الاحمدى ابراهيم

بالعربى المكسر: السر فى اللحية .

لسه مكتشف ان المسرب للامتحانات ملتحى
اموت واعرف الناس دى بتصرح التصريحات دى ازاى
المشكلة انه لم يذكر ملتحى بأى نوع من اللحية
هل هى لحيه سكسوكة
ام لحية قدر كف او قدر كفين
لانها تفرق معانا ووجب التوصيف الصحيح
طب لو كان بدون لحيه يكون الوضع ايه
طب المسرب ابو لحية ده هل مطلق لحيته عياقة ام سنه ولا مش لاقى موس يحلقها
تفرق معانا بردو وكان يجب التحديد والتوصيف السليم
المصيبة بقه ان ابو لحيه ده لو كان من عندك
يبقى ده اقرار بالتستر طول مدتك على هذا الرجل ابو لحيه
لان لو كان عندك يا سيدى طب التقارير الامنية عن ابو لحية فين
وكيف تم اختيارة وعلى اى اساس
طب لو طلع من بره طب ايه علاقة اللحية بالتسريب
طب وعدم وجود لحية كان هيمنع التسريب
والناس اللى عندك وتم توجيه الادانه لهم مطلقوا اللحيه بردو
انت ناوى توصلنى لمرحلة الجنون وكدت اصل اليها
عشان خاطرى خلى بالك من تصريحاتك
لان ممكن تكون ضدك والتبرير له اصول وقواعد
طب الملتحى ده وصلت له الامتحانات عن طريق مين وهى سرى للغاية
صدقنى انت كده بدل ماانت عاوز تبرر موقف انت بتدين نفسك
مش باقول انت خلاص وصلتنى لمرحلة الجنون
وبدل ما أكتب بالفصحى كتبت بالعربى المكسر والسر فى اللحية

شاهد أيضاً

يتساءل الجهلاء : أليس المحجبات مثل الراهبات؟

إسماعيل حسني الراهبة إنسانة ميتة، صلوا عليها صلاة الميت يوم رهبنتها رمزاً لمغادرتها العالم المادي، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.