الجمعة , مارس 29 2024

متزعليش مني .

بقلم الشاعر / رزق عبد الله
متزعليش مني لو ايديا سابت اديكي
او قلتلك خلاص مبقتش أغير عليكي
متزعليش مني لو بكيت او حزنت في يوم عليكي
أصل قلبي تعب منك وليكي
نفسي يا بلدي اسألك سؤال . مش انتي بردوا هبة النيل
نفسي اصدق ان كل شيء فيكي جميل
نفسي أقتنع بالعقل واشوف بالعين
رافض اكون واحد من المطبلين
وده شيء ميزعلش ولا ايه يا متعلمين
مأنا اسمي علي اسمك ابن الهرم ابن مصر ابن النيل
فمتزعليش مني
متزعليش مني لما اصرحك وأقولك
قصة كل يوم تاريخنا لينا رواها
مقدرش اشوف جمالك
ولسه فيكي ناس مش قدره تجيب حتي دواها
فيكي اطفال جعانه .. ناس عريانا .. وناس عيانا
ناس بتأكل من الزبالة
ناس عيشه زي النعامة
رأسها مدفونه في الطين
ومتزعليش مني
ناس ظالمين سارقين ملايين
ايوه لسه فيكي بهائم علي شكل بني أدمين
خونه ومتطرفين
ومره تتعرى باسم الدين
فيكي الأمير
وفيكي الحقير
سمحيني يا وطني برفض انفقك
مقبلش لأبنك يكون واحد من الحمير
وبعد ده كله عايزاني ازاي عليكي أغير
ومتزعليش مني
من النهار ده راح أعلن حداد
راح اكون صريح وابطل نفاق
مش هجاملك علشان أرضي ضابط او حتي وزير
راح يعلى صوت الحق واطالب بتغير
راح اكتب علي صدري ندا
اطالب فيه السادة المسؤولين
راح اطالب بحقي حق كل فقير
فمتزعليش مني مش هقدر اجملك
واكون من المغرامين المعجابين المنافقين
واقول ان كل شيء فيكي جميل
ده حتي المترو فيه متسولين وشحاتين
ده غير اللي في الميادين
نفسي يا بلدي اشوفك من غير طماعين
وشحاتين . خائنين ومتطرفين
فمتزعليش مني
متزعليش مني ان كنت غضبت او ثورت
او كان صوتي عليكي عالي
متزعليش مني لما اطالب اكون انسان وبقوت عيالي
اصل الضناه يا بلدي عن الاب غالي
طيب عارفه لو طلبتني بدمي أفديكي
اصل انا في الأصل بحبك وبموت فيكي
ومن الهوي يا عمري بغير عليكي
فمتزعليش مني

شاهد أيضاً

ليلة أخرى مع الضفادع

في ضوء احداث فيلم الوصايا العشر بشأن خروج بني اسرائيل من مصر التى تتعلق بالضربات …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.