جريدة الأهرام الجديد الكندية 
مقالات مشابهة
نفسي اساعد المحتاج
أدى للمريض علاج
أدافع عن المظلومين
أشوف هموم المحرومين
أحل كل مشاكلهم
اخد منى و اديلهم
اعطف على الفقير
أحاول اعمل الخير
اكسرلهم اى حاجز
لو حسيت انى عاجز
أقولها بعلو الصوت
بموت بموت
عايز اساعد غيرى
عايز اريح ضميرى
أرحم الناس الغلابة
من الناس الديابة
ساعدنى يارب أسعدهم
عن المرار أقدر ابعدهم
حلى يارب دنيتهم
خلى الهنا سكتهم
الناس محتاجة ليك
يارب مد إيديك
ارحمنا يا مالك الملكوت
بموت بموت
نفسى أكسر المر
اللى على الناس بيمر
اديهم يارب الصبر
فى ناس حياتهم قبر
قدرنى أغير ظروفهم
اموت جواهم خوفهم
الناس خايفة من بكرة
هتكون اوجاعهم ذكرى
حلها يارب بحكمتك
ارحمنا يارب برحمتك
خلى الحزين مبسوط
بموت بموت
كلمات : محمد فتحى
