جريدة الأهرام الجديد الكندية 
مقالات مشابهة
مش كــفاية الامـــــان اللى راح منك ؟
مش كـــفاية الـــــظلم اللى بقى عدلك ؟
كفاية بقى ولادك اللى مــاتوا جـــواكى
وارفـعى سـيـف الــــعدل ان كان معاك
فاكــــــــرة يامــــصر شهــدا الـزيتون
ماهـو طلع واحــد مختل ومـــــــجنون
مانتى عـــارفه الــــبلد مـــليانه مجانين
حتى اسئلـــــــى شوية الـــمجذوبيـــن
كفاية كـــذب وتشويه وظلم وتعــــــتيم
ده ربنا مــــــوجود رحـــمن ورحــــيم
لـــــــيه تبقى مـــعــيّرة ويتكلموا عنك
تخلى الــــــــعالم يشـــهد لــكل ظلــمك
ولادك كلهم عايـشيـن مــــوجـــوعــين
إمــــسحى دمـــــوع الظلم والأنــــــين
مصر لـــــلأقــباط زى الــــمسلمــــين
إنصفى وبلاش لــــــــعب بالـــــــــدين
كفاية الـــــــمجاعة إللى إحنـــا فـــــيها
فين مصر؟ بـــادور ومــــــــش لاقـيها
الاقيكى فين! والاقــكى معاكى الامـان
وحـــشتنى أيـــامك ولــيالى زمــــــان
نفـــــسى أشوفك يامصر من تــــــانى
وتـــوب الــــعدل مـــغطى كل كـيانى
أشــــــوف ولادك جــــواكى عايشين
وتـــموت كلــمة إحنا مـــظلومــــــين
كل أيامك عشناها معاكـــى بإخلاص
فى الحرب والسلم واسألى الرصاص
من حـــــقنا نعيش فى بلــدنا أمــنـيـن
وننام فى بيوتنا واحــــنا مـــطـمـنين
وعمرنا ما حنبقى إلا مـصـــــريين
نشأت عدلى
