السبت , أبريل 23 2022
أخبار عاجلة

سليم نقولا يكتب : المنيا وسنينها

-المنيا وسنينها ربنا يعينها/كأن مفيش محافظه غيرها

-مين من الجهل والفقر ينجدها ؟/مين لطريق السلام يرشدها ؟

-مفيش اسبوع علينا يفوت/وكنيسه محروقه وشباب بيموت
-نهب وسرقه وحرق بيوت/والأمن مسيطر بعصايه ونبوت

-الكنيسه مهما تتحرق مبانيها/عايشه جوانا وربنا حاميها

-وكل الحروب انتصرت فيها/وابواب الجحيم لن تقوى عليها

-صححوا الافكار وارحمونا شويه/واحفظوا بلدنا للأجيال الجايه

-وكفايه هروب من كل مسئولية/ونرجع نقول دى فتنه طائفية

 عروس الصعيد

-عروس الصعيد يحميكى ربنا/عروس الصعيد يا خنجر ف قلبنا

-نزيف دم مش عارفين له نهايه/حزن وهم وكل يوم روايه

-عريسنا فام شهيدنا الجميل/سافر السما وعلى رأسه اكليل

-هى دى عظمه كنيستنا القبطيه/هى دى سكه اورشليم السماوية

-صوم يا شعب واكتب تاريخ للأجيال /صلى يا شعب وبصلاتك تنقل الجبال

 

شاهد أيضاً

وفاة والدة الزميلة سمر ناجى .. والأهرام تقدم واجب العزاء

(( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *