الثلاثاء , أبريل 26 2022
أخبار عاجلة
محمد فتحى

( الأقباط و الفضائيات و الأستعباط )

يالى بتطلع على الفضائيات
يالى بتكفر فى الاقباط
انت مالك ومالهم
هما عايشين فى حالهم
ولا هو استعباط
ماتفوق لنفسك شويه
ايه حكايتك ديه
خليك تقى
قلبك نقى
خليك تمام و ميه ميه
أوعى تفكر الأضطهاد
انه طريق جهاد
ده تعدى على الحريه
تكفيرك مش ثواب
بالعكس ده عقاب
صدقنى الحقيقه ديه
مين اداك السلطان
تحكم بتكفير وايمان
حاسب نفسك الاول
ازاى تحكم على غيرك
مادام موجود كبيرك
بطل بقى تهول
بدل ما انت بتكفر
نادى لربك وأستغفر
ياريت تريح بالك
التكفير مش اختصاصك
حط عقلك فى راسك
خليك بقى فى حالك
متفكرش الاضطهاد وصيه
بالعكس والله عصيه
بكره هتندم عليها
ازاى هتدخل الجنه
وانت مكفر مينا وحنا
كل الناس كفرت فيها
لما بتحرم وتحلل
كده منك بتقلل
كله عارف الصح والغلط
كل انسان عارف مشواره
وطريق جنته وطريق ناره
متفكرش الموضوع أتخلط
متغلطش فى غيرك وتهينه
ملكش دعوه بدينه
لأنه عزيز عليه
أقسم برب الكعبه
الأديان والله مالعبه
انت عايز ايه ؟؟؟؟
كلمات : محمد فتحى

شاهد أيضاً

المفكر الاقتصادي والأمين المساعد لشئون العضوية بأمانة الجيزة لحزب الشعب الجمهوري ناصر عدلي محارب يشيد بدعوة الرئيس السيسي للحوار السياسي الشامل

أشاد المفكر الاقتصادي ناصر عدلي محارب ـ رئيس مجلس إدارة المواطنة نيوز، و الأمين المساعد …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *