السبت , أبريل 23 2022

فاكسات مهاجر يرسلها : مدحت عويضه

  • السيسي

 

أعاتبك علي إيه ولا إيه

واعاتبك ليه هو أنت سمعت صراخ المظلومين

 في المنيا لما هتسمع همسات عتابي؟؟          

 

  • وزير الداخلية

 

يا راجل خلي عندك دم

وشوف تقصير الأمن في المنيا

 ولو مش عندك دم أسلفك نص لتر.

 

  • السلفيين

ناصرتم السادات وقتلتموه

 ناصرتم مرسي وانقلبتم عليه

ناصرتم السيسي وهتودوه في داهية.

 

  • أردوغان

أول مرة أشوف رئيس

 ينلقب عليه الجيش فينتقم

من القضاة والمدرسين تمثيلية مكشوفة.

 

  • الجيش التركي

انا ما شفتش جيش في شوارع تركيا

شوفت ناس بتجري وبيضربوها

 وهم يا عيب الشوم عرايا.

 

  • الأسد

حتي لو فشلت الحركة في تركيا

 عدوك شوكته انكسرت

قدام العالم وشكله بقي وحش جدا.

 

  • مفتي الجمهورية

تطالب الأقباط بضبط النفس!!!.

 غريبة يا فضيلة الشيخ

أن تطلب من المضروب أن لا يبكي

وتترك الضارب يمرح كما يشاء.

 

  • شيخ الأزهر

أظن آن الأوان نلم حصيرة

بيت العيلة ونرميها

 في النيل وخدت الشر وراحت.

 

  • أقباط المهجر

أنتم السند الوحيد للمظلوم

لأنكم قوة يحركها

ضميرها ولا تخاف إلا الله.

 

  • الإعلام العربي

عندما قتلت إسرائيل الطفل “الدرة”

ملئتم الدنيا صراخا

وعندما ذبحت داعش طفل مريض

 في مخيم في سوريا صمتم

صمت الحلمان، لأنكم إعلام بلا ضمير.

 

  • خالد مشعل

بتقول أن ليكم الشرف تكونوا

حريم السلطان أردوغان

 يا سيدي نصكم حريم أردوغان

والربع حريم نتياهو

والربع الرابع الغلبان له الله يتولاه.           

 

  • مبارك

فيه عٌبط بيقولوا يرحم أيام مبارك

أكيد نسيوا أنك سبب كل البلاوي

 إللي أحنا فيها دلوقتي.

 

  • ترامب

فوزك في الانتخابات

هيقصر عمر تردوا في الحكم

روح يا شيخ الله ينصرك وتكسب.

 

  • ميركل

بعد الحادث الإرهابي في ألمانيا

 أقدر أقولك كله تحت الموس

المريش والمقصوص يا هانم.

 

شاهد أيضاً

الملك الذى زار أرضنا

في يوم مولده لم يكن له مكانا في البيت فأضجعوه في مزود البقر. ولكن السماء …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *