الأحد , أبريل 24 2022
ابراهيم الاحمدى ابراهيم

منك لله يا استاذ : إبراهيم حتخلينا نذاكر من جديد .

………………………..
رن جرس التليفون……….. الووووووووو
مين يافندم
هو: زميل لحضرتك
انا: اهلا بيك يافندم
هو : لا اهلا ولا سهلا روح منك لله يااستاذ ابراهيم
انا: ليه يافندم بس انا عملت ايه
هو: فضلت تزن وتقول الضرب الاتجاهى فى ثلاث ابعاد وادى النتيجة نزلوا الهندسة فى ثلاث ابعاد وكمان الضرب الاتجاهى فى ثلاث ابعاد ومش عارفين نعمل ايه روح منك لله انت السبب فى تغيير المناهج بالصورة دى
انا: يافندم انا مليش دعوة بتغيير المناهج انت بتحسبنى على تغيير المنهج ليه انا ابديت رايى العلمى فقط
هو: وادى النتيجة طينتها علينا وعمالين نذاكر زى الطلبه
انا: يافندم لكل مجتهد نصيب وكلنا لازم نواكب التطور
هو: تطور ايه ده روح ياشيخ منك لله انت والضرب الاتجاهى اللى كان السبب فى التغيير ومش مسامحينك
انا : والله يافندم انت فاهم الموضوع غلط انا مليش اى علاقة بما حدث ابدا انا اثرت الموضوع فقط ومليش ذنب انهم اخذوا اثارتى محمل الجد وغيروا فى المناهج
هو: منك لله يا استاذ ابراهيم وهكنس عليك مقام السيدة زينب
انا: حرام عليك يافندم والله العظيم انا مليش دعوة
هو: كلنا بندعو عليك يا استاذ ابراهيم انت خلتنا تلاميذ لسه بنذاكر من أول وجديد
انا: طب ده كويس يافندم
هو: طب بعد ماشاب ودوه الكتاب
انا: عفوا يافندم انت لسه شباب
هو: شباب مين انا لسه لى سنة واخرج معاش وخلتنى اذاكر من جديد روح منك لله انت والضرب الاتجاهى بتاعك
انا: الووو
واغلق التليفون وما كان من نصيبى الا ان الراجل اقسم على كنس مقام السيدة زينب

شاهد أيضاً

المفكر الاقتصادي والأمين المساعد لشئون العضوية بأمانة الجيزة لحزب الشعب الجمهوري ناصر عدلي محارب يشيد بدعوة الرئيس السيسي للحوار السياسي الشامل

أشاد المفكر الاقتصادي ناصر عدلي محارب ـ رئيس مجلس إدارة المواطنة نيوز، و الأمين المساعد …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *