السبت , يونيو 6 2020
حبيب عبد النور

احذروا الإرهاب الفكري .

بقلم ..حبيب عبد النور
===================
اللي اصعب من الإرهاب الجسدي هو الإرهاب الفكري .. و مشكلته انك مش بتقدر تحدد مدي وضعته و حقارته .. فهو بيعتمد علي تخريجك من منظمومة الاخلاق المتعارف عليها او الطعن في قيمك الدينية او وطنيتك .. و مش بيمسك لك مسدس او سكينه أنما بيخوفك من مجرد الاختلاف في الادراك للامور ! و ساعتها يحكم عليك بالموت النفسي ..
من اساليب الارهاب الفكري حاجة اسمها Nothing to hide argument ( حجة أنتا خايف من ايه ؟ ) .. و ديه اللي مثلا الحكومة تطلع قانون ضد الحريات زي مثلا ضد حرية الاختلاف السياسي ,, فلما الناس تعترض تروح قايله ” هو انتوا مش مع الوطن خايفين من ايه ؟!! ” .. او مثلا اهلك او خطيبتك او اي حد يتعدي علي حريتك في انه يفتش أوضتك او يتصفح موبيلك و لو اعترضت يقولك ( هو انتا مش في السليم , خايف من ايه ؟!!! ) ………… و هي ديه المشكلة ان أنتا لو رفضت حد يتعدي علي الحرية تحت اي مسمي يبقي انتا فعلا مخبي حاجة او انتا مش ماشي صح .. فبتيجي ضد قيمك اللي انتا مؤمن بيها عشان تثبت لهم انك سليم !!
في النهاية بيكون مطلوب منك مجهود كبير اوي عشان تفهمهم ان القضية مش قضية خوف من حاجة قد ما هي مجموعة متكاملة من المبادئ ! لكن نظرا لتوفير الوقت و المجهود بتضطر تنصاع لمغالطات منطقية متأصله عند مجتمع مفتقر للعقلانية و تسمح لهم بكل استسلام و وهن انهم يرهبوك فكريا … بدل ما يتم اغتيالك اجتماعيا و معنويا …

شاهد أيضاً

بالفيديو: مصرية داعشية منقبة تحاول قتل شرطي أمريكي وتتسبب في فضيحة جديدة

الأهرام الكندي: شهدت مدينة Temple Terrace الأمريكية فضيحة جديدة للجالية المصرية والعربية بالولايات المتحدة الأمريكية. …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *