الجمعة , مارس 29 2024

(بلاد السندباد) .

انا مش سيساووي ولا اخوان
انا واحد من الشعب الغلبان
يومين هعشهم والسلام
بس بردوا ايه الضمان
فمستقبل مجاش قدام
مليان وساطه ومحسوبيه
اهدوا علينا حرام شويه
مش هتفرق هيه هيه
ما الفقر حصل الطيور
والحلم عشش فالجحور
والسرقه تمت بصوت جهور
والنَّاس وسكنت فالقبور
والظلم سارح قرب يفور
بنيته بينا الف سُوَر
شعب وصبوووور
عاوزينه يأكل مهلبيه
وتلبسوه كمان طاقيه
عيشتوه في مسرحيه
بزرع فتنه طائفيه!!!!
ماعدتش كلام
كفايه علينا نشوف أوهام
فكل وسائل الأعلام
وبرغم ذلك
وبرغم ان فيكي الكل هالك
هفضل اقولك
اهدي طب مالك ؟؟؟
نفسي احققلك آمالك
وبرغم ذلك
هاقرب قد ما هاقرب
لتفاصيلك
ولون نيلك
وشكل الزحمه علي خيرك
وهدعيلك
اصل عاوزك تبقي فوق
مش تعيشي عالإعانه
عاوزك انتي تبقي طوَّق
مش تكوني مُستهانه
كلامي ليكي ده مش اهانه
دي فضفضه وشوية ملامه
هرسم واحطلك علامه
عاللي واكلين الغلابه
حتي لو هابقي الضحيه
مش خسارة دمي فيكي
بس تكسبي القضيه
هو ده واجبي عليكي
هتونس وهتحامي بيكي
لو هيحبسوني فيكي
مانتي غير كل البلاد
فيكي لامة كل العباد
شبه بلاد السندباد
كلمات:عبدالرحمن السموري

شاهد أيضاً

ليلة أخرى مع الضفادع

في ضوء احداث فيلم الوصايا العشر بشأن خروج بني اسرائيل من مصر التى تتعلق بالضربات …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.