جريدة الأهرام الجديد الكندية 
مقالات مشابهة
بقلم / مروة عيسى
في الماضي عندما كنا نسمع عن ارتفاع سعر أي شيء من السلع الأساسية كنا نصاب بصدمة وزهول ولكن اليوم نستيقظ كل يوم على صاعقة من الغلاء في كل السلع الأساسية والغير أساسية ولكن الفرق أصبحت أعصابنا متبلدة فلا نملك حتى الصراخ في وجه الغلاء الذي نعيشه أو بالأحرى من كثرة الصراخ الداخلي أصبنا بعدم القدرة على النطق والتفوه بأي شيء .
وفجأة الكحيان يفوق ويصرخ بأعلى صوته ويقول نفسي في عيشه هنيه يلاقي كل طلباته مجابه والامراء مش مخلينه عاوز حاجه وبعد كله ده بيقول الدعم فين !!!!!!!!!!!!!
غريبة اوي الكحيان بيسأل على الدعم بعد العز ده كله كل حاجه متوفرة والأسعار زهيدة وكل الشعب بيشكر و بيتفرج على مسرحيات كتيرة !!!! وفجأة الكحيان يرد بأعلى صوته ومفيش حد سمعه ويقول مش عاوز دعم ولا غيره دي العيشه هنية بزيادة والإنتحار على الأبواب وبيع العيال بقى ميزة !!!! ونلاقي الكحيان فجأة يقول أنا بطالب بزيادة الأسعار دي بقيت زهيدة ومرتباتنا كتيرة !!!!
وهنا نلاقي الأمراء استجابوا و استكتروا على الكحيان أنه يعيش أمير قالوله اتبرع و اتقشف رشد الاستهلاك عشان البلد دي تعيش بس الكحيان بيسأل ازاي ارشد الاستهلاك هوا بقى فيه استهلاك .
ساذج اوي الكحيان وكمان خاين وعميل يعني مش قادر يتبرع بدولار عشات طايرات الأمراء اللي عملوا كتير وكتير للكادحين الكحيانيين . عايزين تعرفوا الأمراء عملوا ايه للكحيانين خففوا عنهم أسعار الكهرباء و خلوا الخضار في السوق ملهوش تمن والدولار بقة عملة ملهاش تمن والجنيه طلع لفوق وكمان وفروا الأمراء لينا دهب عيار 14 و 9 ب300 جنيه بس وممكن يفرقوا ببلاش عشان شبابنا وبناتنا ينبسطوا أكتر بس لو الكحيان ده عاوز يعيش هقوله لاء للأسف في مصر المواطن ملوش تمن !!!
