السبت , يونيو 6 2020

“مواقف طيبه في حياة البابا كيرلس “

بقلم المهندس / نادر صبحي سليمان
+ فى احد المرات البابا كيرلس نزل يصلى عشيه فى البطرخانه وقبل ما يدخل الهيكل قلع الجزمه بتاعته جنب المنجليه ودخل المذبح فى 2 شمامسه شباب شافو جزمه البابا قديمه ومتبهدله راح واحد منهم شايف يا فلان بقى البابا يلبس جزمه كده تعال ناخدها نشيلها ونجيب له مكانها جزمه جديده بسرعه وفعلا اخدو الجزمه وراحو جابو له جزمه جديده البابا كيرلس وهو نازل يبخر الكنيسه راح عدى على الشابين دول مسكهم من ودنهم تعال ياد انت وهو اشمعنى بصيت لجزمه البطرك ومبصتش لجزمه المعلم الضرير يابنى روحو بدلو الجزمه وجيبو جزمه للمعلم هو اولى منى لانه بيمشى فى الطين والظلط لكن انا بركب العربية وانزل اصلى هو أولى منى بيها وفعلا أمرهم يبدلوها ويجيبو للمعلم ولبس نفس جزمته القديمة
+ مره تلميذ البابا كيرلس أبونا روفائيل دخل القلايه بتاعت البابا كيرلس خبط واستاذن ودخل سلام يا سيدنا سلام يابنى بيبص ابونا روفائيل لاقى البابا ماسك الشراب بتاعه بيخيطه لانه اتقطع راح ابونا روفائيل يا سيدنا احنا نجيب لك دسته شرابات وليه تعمل كده راح البابا كيرلس بصله قاله بس يابنى الفقراء والمحتاجين اولى بكل جنيه وانا فى الأول والاخر يابنى راهب نادر الفقر وقاله اياك تحكى اللى شفته لحد الا بعد نياحتى
+ البابا كيرلس كان فيه طبع اى حد يجيب له هدايا اكل فاكهه لازم الاكل اللى يجى يدى منه الفراشين والعمال زيه زيهم وممكن يديلهم نصيبه كمان وميكلش هو كان راجل حنين جدا جدا جدا بالحق فعلا أبو الغلابه.
ربنا يدينا قلب حساس زى قلب البابا كيرلس .
بركة صلواتة تكون مع جميعنا أمين.

شاهد أيضاً

أونتاريو تفقد مليون وظيفة منذ انتشار وباء كورونا

فقدت أونتاريو أكثر من مليون وظيفة في الأشهر الثلاثة الماضية منذ إنتشار وباء COVID-19. ووفقًا …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *