الأحد , يونيو 7 2020
عبدالرحمن السموري

شيزوفرينا ليلية .

بتوهّم بلقاكي
في الزحمه ف وسط الناس
وبتمني إن انساكي
وده شئ ومالوا اساس
بدور جوا غلطاتي
مش لاقي غير اني مطيع جدا ف إجاباتي
وف حياتي …
بحطك ضمن حسباتي
يا فرحه طعمها آهاتي
وحلم حسبته يوم آتي
لقيته سراب !!!
بينداهلي فكل غياب
كلامه ليا كله عتاب
دخلت ليه ياسيدي ف باب
قفل روحك وزادها عذاب
بدون أسباب
لقتني جوا دوامه
بتسحبني بروح هاديه
ولوّامه
لكن جواها مش راضيه
ودي علامه
بان الصعب ليكي يهون
سرابي معاكي وانا مسجون
وبهرب ليه ف ذكراكي بكل جنون
وأنا من اول القصة عليكي بهون
مسافره وسايبه جوايا
كلام بالخير وذكري جميله
شايلها ف قلبي انا معايا
زمانك سارحه ف الرحله
ف بكرا وذكري يوم احلي
وسايبني ف عز الكرب والمحنه
وانا مكاني
هنا ع الارض
بإمكاني ….
أقوم وادعي ليوم العرض
بإنك تبقي يوم ليا
وحُجه وخدها انا عليا
هاصلح كل شئ فيا
ف حبك راح اجدت النيه
كلامي ليكي مهوش غيّه!!!
بإني أعيش زمان مجروح
وتبقي حته ف ماضيّا
تخليني أعيش مدبوح
بإسمك مستحيل راح أبوح
ولا لأمي !!!
مازلت شايله انا همي
وتقرالي كتير قران
يزيح همك بعيد عني
وانا مغموم بيكي وتعبان
ولحظة أمان !!!!
تروح ساعة غياب أمي ف وسط كواكب الأحلام
احس بهاجس الأوهام
يعود تاني….
وأقضي الليل وانا بعاني
ومتغمي
بصورة كانت ما بينا زمان
ف عقلي
انا بيها بعيش وانسان
أقوم وأمسك فايدي العود
ادندن لحن أيامي
وأقول بكرا فيوم هتعود
بشوق وحنين مالي كياني
يكون الليل هرب مني
وكل الحيل بعد عني
وقرب مني بس اليأس
اقول وانا صوتي ساكنه البؤس
بتمني أكون قدك
فكل غياب
أو حتي اُسلوب ردّك
فأي عتاب
دوام الحال يا دنيا من المحال
بكرا تعيش يابني خاليّ البال !!
كلمات :عبدالرحمن السموري

شاهد أيضاً

بالفيديو: مصرية داعشية منقبة تحاول قتل شرطي أمريكي وتتسبب في فضيحة جديدة

الأهرام الكندي: شهدت مدينة Temple Terrace الأمريكية فضيحة جديدة للجالية المصرية والعربية بالولايات المتحدة الأمريكية. …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *