الثلاثاء , يونيو 23 2020

( يارب ساندنى )

طول ما أنت يارب موجود
مش هخاف من أي شئ
مهما كان الطريق مسدود
بتفتح لي 1000 طريق
يارب أنا ماليش غيرك
تملي عايش من خيرك
تملي معايا وقت الضيق
فى عز ضيق دنياياه
برضوا بتفتحها فى وشى
بلاقيك دايما وياياه
بتقولى يا ابنى معلشى
عمرك ما اتخليت عنى
عمرك ما كنت ظالمنى
رغم ذنوبى اللى ما بتنامشى
طول ما انت يارب ساندنى
مستحيل ابدا أميل
قوينى بحبك و ساعدنى
بحق القرأن و الانجيل
خلينى تحت طوعك
خبينى بين ضلوعك
عن اى شر ابعدنى
طول ما انت يارب آسرنى
انا أقوى من المعاصى
خليك برحمتك كاسرنى
خليك عليا واصى
يا عظيم يا رحيم يا أكبر
انا بحبك اكتر
من عدد شعر راسى
كلمات : محمد فتحى

شاهد أيضاً

د. عاطف المصري

كلام مسيحي

إحتدمت المناقشات حتي علي مواقع التواصل الإجتماعي حول إستخدام الماستير ( ملعقة التناول) بين الكثير …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *