السبت , يونيو 6 2020
محمد فتحى

( مالك و مال الكنايس )

كفاية جنون كفاية جنون
الحكاية مش قطة و فار
يخرب بيت ام القانون
اللى مولع الدنيا نار
يا حكومة ايه ملتك
احنا مش عارفين
وجودك زى قلتك
انتى إخوان ولا سلفيين
انتى ليه متكادة
سيبيهم يبنوا كنيسة
اطفى النار المتقادة
يا حكومة أفكارك رخيصة
أدى للناس حقهم
متبقيش حكومة ظالمة
طلعتى دين أمهم
خليتى حياتهم ضلمة
فين الحق و الحرية
فين حق العبادة
ايه أخرت القضية
واضح ظالم كالعادة
فين حقوق المواطنة
ولا مش فى الاهتمام
مش مارينا زى فاطمة
ولا كلام فى كلام
مالك و مال الكنايس
هية هتضرك فى ايه
قولى انت ليه دايس
على حقوق أخواتنا ليه
بلاش الفكر الوهابى
يا حكومة التعصب بجدارة
الكنيسة مش بيت ارهابى
و التشدد مش شطارة
عايزين كنايس بلا صلبان
و ماله دى حاجة لذيدة
اقتلوا كمان الرهبان
و ادبحوا الأخت تريزة
مررتى الناس يا حكومة الملاهى
يا 1000 خسارة على شعبنا
خافى من الرد الإلهى
الناس رافعة ايديها لربنا
كلمات : محمد فتحى

شاهد أيضاً

بالفيديو: مصرية داعشية منقبة تحاول قتل شرطي أمريكي وتتسبب في فضيحة جديدة

الأهرام الكندي: شهدت مدينة Temple Terrace الأمريكية فضيحة جديدة للجالية المصرية والعربية بالولايات المتحدة الأمريكية. …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *