الجمعة , يونيو 12 2020

قومى اسقينى يا سعديه .

على بال ما اغلى الشاى
يلا بسرعه يا بنت الفقريه
ابويا زمانه جاااااى
اصله بتحلاله طله الغيط ف الصبحيه
وبيحب القعده معااااي
……….
حاضر يا هريدى من اعنيا
وبعديها راح اروح اجهزلك لقمه هنيه
لحسن شايفاك تعبان ف الغيط
راح ادبحلك بحه عفيه
وجنبيها جوزين حمام على صحنين ملوخيه .
ما تفرقشى يا سعديه
ربنا يخليكى ليا
دا الجبنه القديمه من يدك
احلى من الحلاوه الطحينيه
وانا من قلبى بحبك
يا بنت بلدى يا صعيديه
لو لفيت كل الكون
مش هلاقى زيك
يا بنت الاصول يا ميه 100
تعيش يا سبعى وكل ما ليا
ما تعوقشى ف الغيط
لحسن كل المزاريطه عزموك
على فرح الكبير الليله ديا
خلاص اسبقينى ع الدوار
واكوى القفطان والجلابيه
لحسن واحشنى الرقص على المزمار
وضرب النار بالبندقيه …
كلماتى .. ثروت حنين

شاهد أيضاً

د. عاطف المصري

كلام مسيحي

إحتدمت المناقشات حتي علي مواقع التواصل الإجتماعي حول إستخدام الماستير ( ملعقة التناول) بين الكثير …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *