الخميس , مارس 28 2024

(روح صَبَّار )

سبتها بالليل والحزن دمار
سبتها كانت قاعدة بتنهار
كانت فولة ف وسط النار
علي طبعك جدا انا محتار
دخلتي حياتي كدا بسهوله
وبسرعه كبيره مش معقوله
بتقولي دا فعلا بقا ليا
وانا شايفك اصلا فعنيا
اجزاء مقهورة
بواقي علاقة كانت مكسورة
عايشة بتداري ف روح صبار
راسمة الضحكة ف ليل ونهار
مش حاسه الدنيا غير ليه
عايزاني نهاية لماضيه
او ترمي اللوم بيا عليه
علشان ايه !!!
تاذيني وتجرحي ف شعوري
وانا اصلا مش صالب طولي
بتقولي هتمسحي ف همومي
وانت ف غيبوبته روحي فوقي!!
وسبيني متغمي ف حالي
قاعد بين نوته واشعاري
عايش راضي
لانا نفسي فيوم اصبح قاضي
ولا عاوز ابقي فيوم سجّان
عايش بنسي قدر الإمكان
متشبع عشق وشوق وحنان
عايش بدّاري ف روح صَبَّار
من غير ضحك ف ليل ونهار
طبعك جبار !!!!
علشان هو ف يوم ينهار
تتشعبطي شكليا فيا
وتسافري بروحك تبقي معاه
وتقولي عليا بقا ليا
وتسيبي مشاعرك كدا وياه
خانك حظك موصلتيش
اصلك بغبائك مفهمتيش
طيب ملاحظتيش !!!
إني بقيت شاعر
باستنبط ف حروفك تفصيلا
يرسملي كلامك تحليلا
ماهو شغلي الشاغل ف المضمون
بسرح بخيالي ف وسط الكون
مش مستني مساعدة وعون
ولا منك ولا من غيرك
كتّر خيرك
والفضل ماهوش طبعا ليكي
الفضل ف دنيا قبليكي
زرعت فيا هموم بالكوم
بتراكم علاقات مش من يوم
شايف دمعة جوه عنيكي
ممكن ابقي صعبت عليكي
ولا عشان كشفت ايديكي
بتحاول تسرق بالمجان
بكلام معسول وحنان زايف
بستغرب سابك مش خايف
من ردة فعلك
مش فارق حلمك
دعوات أمه كانت ضدك
وقفت قدك
وانا عكسه تماما بالملي
دعوات أمي صابت مني
وبقيت عايش كدا متحنّي
بفراق ضحكتها
وجمال كلمتها
سارحه ف جسمي كإنها نار
عايش بدّاري ف روح صَبَّار
كلمات :د/عبدالرحمن السموري

5

شاهد أيضاً

ليلة أخرى مع الضفادع

في ضوء احداث فيلم الوصايا العشر بشأن خروج بني اسرائيل من مصر التى تتعلق بالضربات …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.