السبت , يونيو 6 2020
نبيل هانى يوسف

الطيب احسن

حطيت المفتاح فى باب الشقة وفتحت واول ما دخلت لقيتها قدامى
بس لابسة وش عبلة كامل فى تمثيلية ( لن اعيش فى جلباب ابى ) لما بنتها اطلقت ………………………………
قلت فى عقلى آآه ه هى طالبه نكد …
واول ما قعدت حطيت الموبايل والمفاتيح جنبى على الترابيزة
واول ما قلتلها مساء الخير يا حبيبتى ….. وكأنى اديت أشارة البدء فى التفجير ….. حبيبتك ؟؟؟؟!!
ما انا لو كنت حبيبتك كنت خرجتنى وودتنى عند بابا وماما وخالتوا ميمى وعمتى جيجى و …………….
انت وانت وانت ……………………..
والدموع ايه تملى جرادل وانا قاعد اتفرج وساكت وحاطط على قلبى مراوح وبعدين هديت وسكتت ……
قلتلها خلاص خلصتى ؟؟
ردت عينيها اللى كلها دمووع
من غير ولا كلمة وقالت اه انا خلصت
ايه ردك على ما وجه اليك من اتهامات ؟؟؟؟؟؟
رديت والابتسامة الهادية على وشى وبصوت رخيم قلتلها
انتى عارفه انا مش هازعل من كل اللى قولتيه عارفه ليه ؟؟
عشان انا مش باعتبرك مراتى وبس انا كمان باعتبرك بنتى الصغيرة انتى الشجرة المغروسة فى قلبى .. واتكيت على السين …
انتى عارفه وانتى عماله تزعقى كده انا عملت استريتشنج لعضلات قلبى وحطيت جواه كل عصبيتك ونرفزتك ولملمت قلبى عليها مرة تانى …..
لقيتها قربت منى ونزلت على ركبها جنبى وراحت مسكت ايدى وباست كفى وحطت ايدى على وشها ونامت عليها وبقيت زى القطة السيامى وقلتلى :
حبيبى I.m sorry …. Love u baby
قولتلها never mind sweete .. love y too
راحت قلتلى :
جبتلى اتشوكلت ؟؟؟؟
وبايدى التانية رحت خابط راسى وقولت آآآ ه نسيت ..
وكأنى دوست على زرار انطلاق الثورة الثانية
والقطة السيامى فى ثانية بقيت بلدى …
ليه تنساها انت مش عارف انى بحبهااااااااااا
ووويك ويك ويك ويك كلااام نسوااااان
رحت وقفت على رجليا وخدتنى الجلالة والهيبة وعزة النفس وقولتلها :


خلاص ياحببتى مسافة السكة انا نازل اجيبها علطول دلوقتى
معلش ماهو الطيب احسن ……..
نبيل هانى يوسف

شاهد أيضاً

أونتاريو تفقد مليون وظيفة منذ انتشار وباء كورونا

فقدت أونتاريو أكثر من مليون وظيفة في الأشهر الثلاثة الماضية منذ إنتشار وباء COVID-19. ووفقًا …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *