جريدة الأهرام الجديد الكندية 
مقالات مشابهة
يلاه يا مسيحى يلاه يا مسلم
نطوى الفتنة و سمها المؤلم
انت حبيبى انا حبيبك
بنور هلالى وياه صليبك
هنور كل شئ معتم
حياتنا والله ولا المحنه
السبب فيها طبعا احنا
ما لو بنسامح بعضينا
الحب هيجنى فى اراضينا
وهيطرح الخير فى صالحنا
لما هنئسى و هنعاند
هنتوه فى السكة و نتباعد
ده بضمة يدك على يدى
هندوس على المحنة و هنعدى
وايد على ايد بتساعد
الفتنة ده جديدة علينا
الفتنة والله مالينا
عايزة تقضى على جيلنا
مع انى قرأنا و انجيلنا
امروا يكون الحب مالينا
يلاه نقضى على الفتنة
بسم الله و بسم محبيتنا
عشان لو قدرت تهزمنا
هتفرق بينا و تقسمنا
و ده ياما كتير وريتنا
الوحدة طبعا مطلوبة
قوتها و الله ما مغلوبة
لكن لما هنفرق
لازم المركب تغرق
و العدلة هتكون مقلوبة
يلاه نقرب يلاه كمان
يلاه نعيش فى امان
نمحى اى عداوة
نخلى امورنا تتداوه
ساعتها هنؤدى رسالة الاديان
كلمات : محمد فتحى
