جريدة الأهرام الجديد الكندية 
مقالات مشابهة
دى سامية السلام
قلبها طاهر زى الحمام
فى حب الخير و فعله
مشاعرها مش بتنام
دايما بتحس بالغير
بتحب فعل الخير
المحبة جوة قلبها
و المعروف ليها أسير
فى الخير بتجرى و تسافر
بتعمل اللى عليها و بتعافر
جوه منها قلب مؤمن
مش قلب جاحد ولا كافر
ست تعرف ربنا
حبها فى قلبنا
أصل احنا منها
و هية مننا
اسمها سامية حكيم
قلبها صافى و رحيم
انا عن نفسى بحبها
أصلها ماشية فى السليم
و الله قلبها مليان
حب و خير و حنان
ربنا يكتر من أمثالها
اللى بتحس بالغلبان
فعلا دى بنت النيل
معدنها حقيقى أصيل
تستاهل أكتب ليها
اجمل اغانى و مواويل
دى فعلا الست المصرية
تشرف كل الدنيا دية
عاشت سامية حكيم
اجمل مثال للأنسانية
دى بنت الناس الأصول
حب الخير جواها موصول
مش هديها حقها
مهما اكتب فيها و أقول
ربنا يديها صحتها
ربنا يديم ضحكتها
ربنا يحافظ عليها
ربنا يأمن سكتها
كلمات : محمد فتحى
