السبت , يونيو 6 2020

احتلال

بقلم الشاعر رزق عبدالله
احتلال الفكر اصعب لك
من ان عدو يحتل ارضك
لما تلاقي نفسك اسير في بلدك
والجاني عليك ابن وطنك
لما يحتل بيتك … لما يجوع عيالك …. لما ينهش في عرضك
احتلال ابن وطنك ليك اصعب لك
احتلال بلادنا بالإدارة …. تبقا خسارة
اوعاكم تفرطوا في امجادنا وتفكروها شطارة
يالي عايز تخفي اثارنا تحت الستارة
وجي تقولي كده بتحافظ علي الحضارة
من امتي مصر كانت هرم وحجاره
مصر شعب من الغلابة
شعب نفسة يعيش بأقل حاجة
شعب مصر بحاله راضي
كفاية تقسموا وتبيعوا في الاراضي
بكره الوطن هيبقا فاضي
واحتلال
رسالة الي رايس مصر
اي ان كان اسمك
في اي ان كان عهدك
حافظ علي كرامة شعبك
ويا رب ما تكون زعلان
لما قولت بلدي فيها احتلال
انزل بنفسك وشوف ازي بتعامل الرجال
احكي واقولك وصدقني ده حقيقه مش كلام
انا رحت اطلع ورقه من القسم … عملوني كأني كلب مهان
يا حضرت الضابط يا حضرت الرائد
يا حضرت العسكري هوانا مش انسان ؟
رما اوراقي في وشي وقال مش عايز كتر كلام
مش ده بردوه أسمه احتلال
عارف سيادتك عارف فخامتك الورقة دي كانت لي أيه
الورقة كانت من اجل وطن
وطن فيه شعب واعي وعالم ودارس
من اجل تقديم اطفالنا في المدارس
من اجل بناء الوطن بأجيال
وحدفوني لبعض واحد يقول يمين والثاني شمال
وخرجت زي ما دخلت ما نبني غير … اللسان
فمتزعلش مني لما قلت لسه في الوطن احتلال
والله يا ريس انا لسه فاكر كلمتك وانت بتنقل السكان
لما قلت خلي بالكم من المعاملة
ومش عايز واحد فيهم يحس انه مهان
سعاتها انا وقفت نصف ساعة ليك عامل تعظيم سلام
بس الخنجر اللي قتل قلبي مكتب … مكتب ومغلق
ومكتوب عليه ……….. . حقوق الانسان
اكتب للبلد ازاي شعر ومن غزل واحب فيها
ولسه فيها نكد …. ودود بيأكل ومحتل اراضيها
اقسم بالله لما تتعدل كل يوم
كل يوم اصحه من النوم اصلي عليها
ومش هاكتب واقول فيها او فيها
وقصيدة احتلال هحرقها وارميها
وعن عيون الكون … ادفنها واخفيها
واعيش اللي باقي من عمري ليها
وكل الاغاني ……. وكل اشعاري
هتكون بس مدح فيها
والله ما حارق دمي غير حبي ليها
وهي بتجرحني …… وهي بتدبحني
بدعلها ربنا يصونها ويحميها
ما هي عشقي وهي وطني
ومن يوم متولدت وانا عايش علي اراضيها
بس الحكاية ان الكرامة مفيش اغلي منيها
صوني كرامتنا يا بلدي وامانه عليكي ما تجرحيها
والله واحنا كأشعب بحياتنا نفديها
وان كان علي القصيدة
اعتبرها هلوسة لسان
نفسي اشوف فيكي حقيقة
من غير رغي وكتر … كلام
وان كان علي ….. احتلال
مصر مش …… للاحتلال
مصر شعب لجل خطرها يهد جبال
مصر تاريخ وحضارة
مصر مش اهرامات وحجارة
مصر ياما وهبت للعالم اجيال
مصر من نار وحطب
مصر بكر لا يمكن تغتصب
مصر مقبره الغزاة
والله يا ريس انا مش ضدك
انا لما بشوف فيها غلط … من حقي انتقدك
بس انا مش ضدك
بس بعرضك اه
لجل ما قلبي يشوف وطنه
زي ما هو بيتمناه
يا ريس اعدلها
اعدلها يا ريس
وسير ….. علي بركة الله

شاهد أيضاً

بالفيديو: مصرية داعشية منقبة تحاول قتل شرطي أمريكي وتتسبب في فضيحة جديدة

الأهرام الكندي: شهدت مدينة Temple Terrace الأمريكية فضيحة جديدة للجالية المصرية والعربية بالولايات المتحدة الأمريكية. …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *