جريدة الأهرام الجديد الكندية 
مقالات مشابهة
على فين يا دنيا على فين
كفاية اللى حصلنا من سنين
ده انتى عايش فيكى ملايين
و الكل راضي بحاله و شاكرين
و يضحكلك و يقولك تمام متشكرين
بس من جواة شايل الطين
على اللى شايفة فيكى بالعين
و الحال اللى بيدهور كل يومين
من اسعار العيش و البنزين
وزاد و غطا عليهم التموين
وزيادة فى اسعار العاملين
و الدولار اللى بيغلى كل ساعتين
و مافيش رحمة بالناس الجعانين
كفاية البشوات فيكى مبسوطين
و فى قصورهم نايمين متهنيين
و مش عارفين يحلوا مشاكل الغلبانين
و لا يشغلوا الشباب العاطلين
اللى على القهاوى اسمهم خرجين
و فى شهادتهم مكتبلهم متفوقين
بركاتك بركاتك يا تعليم
و شك حلو على اللى جايبن
شايفين مستقبلهم رايح على فين
دة انا عايز منوم لمدة سنتين
لغاية مايمسكوا اللى فيكى خاينين
منا مش زمبى اشوفك بوشين
وش النصر اللى فية هجاصين
و وش الحقيقى بتاع السلف و الدين
اللى خلا سمعتنا تنداس بالرجلين
رايحة بس بينا على فينا
يا مصر يا ام الملايين
كلمات : جون سعد
