الجمعة , أغسطس 12 2022
عرابى عبد الظاهر

رسالة الي أبي .

بقلم : عرابى عبد الظاهر
صورتك متعلقة علي الحيط
بتسبقني ليها روحي وكياني
سقتني من كاس محبة خليط
فرشت من اهتمامك بستاني
مزروعة جوة قلبك قراريط
مسبتنيش واقف في مكاني
واقفت معاي مدتلي خيط
لحد ما كبرت وقويت عيداني
ف كنف رعايتك انا اتغطيت
عطشانة من صورتك وجداني
ولو شربت م الوشوش محيط
أتمنا لو يرجع بيا يوم زماني
ف وقت عصاري رحتنا للغيط
وقعدة طبليه في صحن البيت
ولفة شالك وزراير قمصاني
واول خطوة ف صغري خطيت
وانامعاك صغير لعب وتنطيت

شاهد أيضاً

هشام الشاذلى نموذج مصري يرفع رأس مصر بالخارج محققا إقبالا واسعا

أمل فرج أنجزت الأيادي المصرية في الخارج  إنجازات يفخر بها المصريون في كل مكان، وذاع …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *