السبت , يونيو 6 2020
يوسف انيس

قصيدة “قومي يلا”

كلمات : يوسف انيس
قومي يلا يامصر بينا
انقذي اللي باقي فينا
انهضي روحنا الدفينه
من قبر مليان ظلام
شجعي ثوره ولادك
افتحيلهم تاني بابك
انزعي الذل اللي جالك
من سنين فقر وهوان
عرفيهم اني ابنك
نبض قلبي جزء منك
مش عشان بعدت عنك
يبقي حبي ليكي هان
م اللي عاش قريب ليكي
واللي كان حاكم عليكي
قال ده عمره كله ليكي
جه عليه الوقت خان
اقلعي توب المهانه
والبسي تاج الكرامه
لاجل اسمك ماتوا ياما
قولي وقت النصر حان
هرجع اقولك قومي بينا
ننسي ظلم كان مالينا
هاتي ايدك بين ايدينا
نبني وطن لية كيان

يوسف انيس
يوسف انيس

شاهد أيضاً

بالفيديو: مصرية داعشية منقبة تحاول قتل شرطي أمريكي وتتسبب في فضيحة جديدة

الأهرام الكندي: شهدت مدينة Temple Terrace الأمريكية فضيحة جديدة للجالية المصرية والعربية بالولايات المتحدة الأمريكية. …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *