السبت , يونيو 6 2020
محمد فتحى

( غش و خداع )

مش اى حد تقابله تأمن ليه
دى الناس مليانة غش و خداع
فى حد تشوف صورة الملايكة فيه
لكنه لابس مليون وش و الف قناع
فى ناس أساتذة فى التمثيل
فى الغش تستاهل الف بطولة
حريفة بجد ملهاش مثيل
تستاهل الدرجة الأولى
خاف من حاضر و نعم و تحت أمر معاليك
دى مجرد كام كلمة بتتقال
الهدف منهم ينضحك عليك
من كل بنى آدم دجال
ليه الغش بقى مالى قلوب البشر
ليه الضمير اللى عايش جوانا مات
يا خسارة قلوبنا اللى بقت حجر
راحت مننا فى الشر ولا جااااات
اخدع و غش و بيع فى ناس
خليك ماشى فى السكة دية
سكة ضياع الضمير و قتل الإحساس
صدقنى الحقيقة واضحة اهية
اوعى تفكر فى يوم انك إنسان
انت اساسا متسواش
انت مجرد حد جبان
مخادع كبير و غشاش
نقل الكلام مش صنعة
احنا بنتكلم فى الخير
لو طعنت فينا الف طعنة
مش هنموت يا كبير
افتكرتك كبير مقام
اتاريك طلعت رخيص
استاذ نقل كلام
اشطا عليك يا رئيس
سيبك من مين فاز و مين انهزم
أصل ده كله كلام فاضى
اللى يفكر يهد الهرم
يبقى إنسان مش عادى
خليك فى نقل الكلام محتار
وقع بين الناس و بعضيها
يا غشاش اخرتك النار
اللى هتتحرق فيها
كلمات : محمد فتحى

شاهد أيضاً

بالفيديو: مصرية داعشية منقبة تحاول قتل شرطي أمريكي وتتسبب في فضيحة جديدة

الأهرام الكندي: شهدت مدينة Temple Terrace الأمريكية فضيحة جديدة للجالية المصرية والعربية بالولايات المتحدة الأمريكية. …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *