الثلاثاء , يونيو 9 2020
كيرو المصرى

“خجلان” .

كلمات : كيــــــرو الــمصــري
ابويا
انا عاوز اقعد وياك قعده
واحكي معاك ع اللي مخبيه
انا جوايا حاجات تعباني
ومفيش غيرك الجاء ليه
…..
انا متغير من جوايا
وبرسم اني سليم من بره
يعني بمثل دور العايش
لكن انا ميت من جوه
…..
انا ماشي مع الدنيا بمبداء
كدب وغش نفاق وخداع
بوهم نفسي كتير وبصدق
والبس ف اليوم الف قناع
……
سبت النور ومشيت ف الضلمه
كل ايامي شايفها بـــ ليـــل
خط احمر . وراء عالم ظالمه
بتشيل والحمـــل تقيــــل
……
عمري مافكرت اني اجيلك
واعترفلك لـــو بــــذنــب
كنت تايه عن طــــريقك
يعني اعمي عين وقلب
…….
واديني جتلك ف النهايه
ملقتش غيرك رحمتي
خجلان ياابويا من عمايلي
ندمان كتير من قسوتي
…..
انا مستهلش محبتك
في جروحي ليك
انا قلبي كان ديما اناني
ومفكرش مــــره فيك
…..
اسف يابويا ع اللي فات
جايبلك نفسي غيرها
اصنعني باايديك من جديد
وعنيا لطريقك يارب نورها

شاهد أيضاً

بالفيديو كارثة شمالي روسيا وبوتن يعلن الطوارئ

أعلن الرئيس الروسي فلاديمير بوتن حالة الطوارئ في منطقة شمالي سيبيريا، بعد أن تسبب تسرب …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *