جريدة الأهرام الجديد الكندية الشاعر ايــــمــن مـــــكــــرم
حبيبة عمري ازيك
وحشتيني يابنت الإيه
مفيش في الدنيا دي زيك
كمان قلبك مفيش زييه
يتوه قلمي في لوحاتك
وحتي حروفي تتنطط
في وصفك فقتي صحباتك
ولما بشوفك اتلخبط
حنايا القلب عارفة اسمك
ونبضاته عليكي تروح
و دقاته علي جسمك
بتعزفلك ياروح الروح
وقلبي ‘‘ربنا يعينه
ويسند له شرايٌنه
كتب في الحب دواوينه
واشعاره ف براكينه
يابنت الإيه ياحورية
يانازلالي من السموات
اتاكي ربناهدية
في صندوقي ياحلويات
هاتي ايديكي هنا في ايدي
وخليني معاكي اسرح
ودمك يجري في وريدي
وعن نسمات روحك يشرح
حبيبتي دي حاجة تانية
في مثيلاتها لايوجد حد
بالاقيها هنا في ثانية
فإحفظها يارب المجد
