قصيدة “الآنثى حنونة”

الشاعرة ايفون رفعت – زهرة اللوتس
الآنثى حنونه وعطاءه وفيها كتير مميزات
بضحكتها تعرف قلبها صعب تترجمها كلمات
زى الفراشه فى فرحها وتعرف تحل الأزمات
ولما تقلب وشها ياويلك م اللى جاى واللى فات
لو كانت أختك حبها وأديها الثقه والحماس
لو كانت أمك ضمها دا حضنها هو الأساس
لوكانت خطيبتك صون قلبها ومتجرحش الأحساس
لو كانت مراتك ف أنت أهلها دى ليك أقرب الناس
الأنثى صعبه فى طبعها لكن هى الحب والحنان
وزى ماتحبك حبها وأديها قلبك والثقه والأمان
دى رقيقه حتى ف زعلها وتفرح بأقل فستان
ولما تيجى عليها تجنك ويبقى مكانك المرستان