السبت , يونيو 6 2020
محمد فتحى

( آخر بساطة )

و الله انت راجل مية مية
مقضيها فول و طعمية
فعلا آخر بساطة
متربى على الطبلية
انت فخر لينا
انت غالى علينا
لو الأرض ما تشيلك
نشيلك جوه عينينا
شوف الناس فى الشارع
بتصرخ ولا حد سامع
ياريت تحس بيهم
بجد الشعب والع
اوعى تكرهنا فيك
احنا فرحانين بيك
كمل جميلك معانا
الله يرضى عليك
كلنا بنكمل بعضينا
أرضى الشعب و ارضينا
احنا اللى انتخبناك
و بيك احنا رضينا
شوف اللى نايم على الرصيف
شوف اللى مش لاقى رغيف
فى ناس غلا الأسعار
بيدبح فيها زى السيف
الشعب فقير غلبان
بيفرح بأى بيان
بيفتكر الأمل فيه
بيطلع طرقعة لبان
شوف مشكلة البطالة
خلاص فضيت الحصالة
أسرة كبيرة جدا
مش لاقية أوضة و صالة
ناس بتكمل عشاها نوم
عيشتها مشاكل و هموم
امتى تحل مشاكلهم
ولا خلاص هتدوم
آخر كلامى يا ريس
الشعب مش كويس
النفسية زى الزفت
لا بيفرح ولا بيهيص
كلمات : محمد فتحى

شاهد أيضاً

بالفيديو: مصرية داعشية منقبة تحاول قتل شرطي أمريكي وتتسبب في فضيحة جديدة

الأهرام الكندي: شهدت مدينة Temple Terrace الأمريكية فضيحة جديدة للجالية المصرية والعربية بالولايات المتحدة الأمريكية. …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *