الثلاثاء , يونيو 9 2020

رقم التابوت!!

كتبت/ بسمه عطيه
انت مين
اسمى مصرى
يعنى عندى الحزن حصرى
كل حاجه عندى ماتت من زمان
حلم عمرى وضحكتى راحو من قبل الاوان
اسمى خانه فى الدفاتر
اسمى ليهم بس كود
استنى بس يقولو رقمى
وهيبعتونى على التابوت
ايوه شايف امى بتبصى على شوية جثث
واقفه محتاره وشريده ابنها
مين بس فيهم
ونبى يا بنى تعالا ابنى كان لابس نبيتى
وبنطلون كان لون اسود
شوفى جنبك على اليمين
مش هو يا بنى
كبدى شوف ابن مين
يا بنى ابنى كان طويل
وشعره كان اكرت شويه
طب يا حاجه بس اهدى
يمكن بس يكون فى المايه
ايوه يا بنى ماتجبوه ولا يا عنى هتسبوه
لا يا ستى جوه فى مركب بتتنقذ
واكيد هيعرفه يسحبوه
بص شايف امى مش شايفانى خالص
امى اهى واقفه بعيده
بس قلبها بيا حاسس
نفسى احضنها وابوسها
د انا كنت ليها سند وحارس
بس لحظه خلاص سكوت
امى بتقرب عليا
امى حست لما قلت عايز احضنها شويه
هو ده يا حاجه تعالى
ايوه حاضر يا بنى جايه
اه يا قلبى هو ابنى
قوم يا صابر قوم يا اخويه
قوم تعالا بلاش تفوتنى فى دنيتى
قوم ومش عايزين فلوس
لو هبعلك هدمتى
قوم ياريتنى وقفتلك
قوم يا صابر قلتلك
وانت ليه مطوعتنيش
انت فاكر بعد موتك
قلبى هيقدر يعيش
يا بنى قلبى بيتنفض
والسواد ضلل عليا
حاسه انى بتجلد
طب سيبونى معاه شويه
طب تعالا جوه حضنى
هو ده الحضن الاخير
هحضنك واشم رحتك
يا ابن قلبى خلاص سمحتك
خدنى جنبك يا بنى يالا
متر تانى كمان عشانى
ازاى تموت قبل منى
ليه طمعت بس فى مكانى
يالا يا حاجه تعالى
اختملنا على الورق
اذكرى ربك تعالى
راح لربه اللى خلق
يالا هاتى ايديكى ياما
هو ده رقم التابوت
قوللى ابنك سنه كام
قومى يالا خلاص حرام
بس ردها كان سكوت
اتولدنا على الورق
وعيشنا فيها بنتسرق
ويوم ما نحلم ب البراح
يبقى اخرتنا الغرق

شاهد أيضاً

بالفيديو كارثة شمالي روسيا وبوتن يعلن الطوارئ

أعلن الرئيس الروسي فلاديمير بوتن حالة الطوارئ في منطقة شمالي سيبيريا، بعد أن تسبب تسرب …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *