جريدة الأهرام الجديد الكندية 
مقالات مشابهة
يا جندى و انت فى الملكوت
يا جندى وانت سعيد مبسوط
ادعى لمصر معاك
ادعى متكنش هلاك
و حيات شعبك حبيبك
ادعى متكنش تراب
ادعى متكنش سراب
و حيات فراقك و مغيبك
ادعى لربنا يا جندى ان مصر ما تموت
يا جندى و انت فى الملكوت
يا جندى و انت سعيد مبسوط
يا جندى مصردلوقت الحمل عليها كبير
ادعيلها تبقى جنةأدعيلها تبقى خير
تصبح جنة وتصبح عيد
كفاية مر ونار بتقيد
ادعى لشعبها المكسور
ادعى تعيش فى امان
كفاية رماد كفاية دخان
ادعى تشوف النور
يا جندى بناديك بقلبى
ادعى ليا ربى
يبارك وطنك حبيبك
و حيات فراقك و مغيبك
و حيات شعبك حبيبك
ادعى لربنا يا جندى ان مصر ما تموت
يا جندى وانت فى الملكوت
و انت سعيد مبسوط
يا جندى اوعى تنسى مصر بلادك
يا جندى اوعى تنسى كل أولادك
ادعى لمصر انها ما تجف
ادعى الحمل عليها يخف
ادعى تحلى الايام
ادعى نكون احباب
ادعى مانشوف عذاب
ادعى نعيش فى سلام
يا جندى بناديك بقلبى
ادعى ليا ربى
يبارك وطنك حبيبك
و حيات فراقك و مغيبك
و حيات شعبك حبيبك
ادعى لربنا إن مصر ما تموت
يا جندى و انت فى الملكوت
يا جندى و انت سعيد مبسوط
كلمات : محمد فتحى
