الثلاثاء , يونيو 9 2020

( ابنى فين )

ابنى فين يا ناس
حد يرد عليا
قالى جاى ومجاش
وقلبى بيوجع فيا
فضلت واقف مستنى
وطال بيا الانتظار
الدموع هتسيل منى
وريقى بقى مرار
لاقيت زمايله جايين
وبيبكو بدموع وحرقة
ولما قولتلهم ابنى فين
قالولى ابنك جات ف قلبه الطلقة
طاب ردو عليا وقولولى
آخر كلمة قالها ايه
قالكم سلامو ع ابويا
ولا الوجع كان منسيه
ابنك مخافش من الموت
ومهمهوش يموت او يعيش
حارب وقاتل بصموت
علشان مصر بلده تعيش
طاب اقول ايه لأمه
الى كانت روحها فيه
ده ف البيت مجهزة اوضته
وقاعدة مستنية ارجعلها بيه
اه والف اه يا ولدى
ع الى حصلك وجرالك
الخبر يا ولدى قاتلنى
لما قالولى ع استشهادك
أنت وسافر بوست ايدى
وقولت مع السلامة يابا
وحضنت أمك جامد
وكأنك حاسس بلى هيجرى
أقول ايه لخواتك الصغيرين
لما يسألوني عنك
هقولهم راح فين
ده مابينموش غير ف حضنك
ما تبكيش يا ابويا ع ابنك
ابنك بطل وشيهد لوطنه
وإلى يقولك فين ابنك
قوله ابنى عايش عند ربه
وخد باقى أولادك ف حضنك
وصبرهم وقويهم
وعلمهم يحبه وطنهم
زى اخوهم والى قبليهم
وع فكرة يا ابويا
الكلام ده مش كلامنا
ده كلام ابنك الشهيد
الى وصانا بيه وقالنا وصو بيه أبويا
بقلمى انا ( Tomas samir )

شاهد أيضاً

بالفيديو كارثة شمالي روسيا وبوتن يعلن الطوارئ

أعلن الرئيس الروسي فلاديمير بوتن حالة الطوارئ في منطقة شمالي سيبيريا، بعد أن تسبب تسرب …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *