الأحد , مايو 16 2021
عبدالرحمن السموري

(هو و هي)

هو:بتحبيني

هي:طبعا جدا مَش اصحاب

هو:تتخطبيلي

هي:تقصد عاوز نبقي احباب

لِسَّه الفكرة مَش علي بالي

هو:بس انا شايفك دايما جنبي

هي :حلو كلامك شكرا يابني

هو: سايبك دايما جوا كياني

هي:سيبك انت حاول تنساني

فترة دهشه وحيرة وخوف

هو:شايف ليه ف عنيكي انا خوف

هي :اصل ظروف

هو:خايفه تحبي وتجرحي تاني!!

هي:اجرح مين !!هو الجاني

سبني ياريتك بين أحزاني

هو :ادي لنفسك طب كام فرصه

حاولي عشاني

هي:سيبك انت حاول تنساني

هو:طب ماهو انتي بقيتي الجاني

علشان تنسي فواحد تاني

جيتي لحدي جيتي مكاني

هي:جيت علشان نكون اصحاب

وانت عاوزنا نصير احباب

هو:اصحاب ….

فعلا جدا ضحكتيني

هي:طب ضحكني معاك نسيني

هو:انسي سنيني

هي :ليه كدا يعني ؟؟

هو:اصلي مسافر

اخر كلمه قالها فشات

قرر ينسي ماضي وفات

قام راح يحرق اي حاجات

تربط قلبه معاها بالذات

قرر يمشي كدا علي طول

كان بيصّبر نفسه يقول :

جمله فبالي جوا وداني

“سيبك انت حاول تنساني “

كلمات د/عبدالرحمن السموري

 

 

 

 

 

 

 

 

 

 

شاهد أيضاً

مولد سيدى الراهب المشلوح

بقلم الدكتور عماد فيكتور سوريال في الحقيقة لم اعد انتظر للغد لموعد مقالتي بهدوء لأكتب …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *