الإثنين , سبتمبر 20 2021

خفافيش الليل

بقلم رزق عبدالله

خفافيش الليل وهي حكاية

عن ناس تصحي في عز الليل

وناس ترجع من شغلها تعبانة

تصدق تلاقي مكان لجل تنام

في الاصل دي ناس شقيانة

وناس تانية فكرنها شطارة

خارج في عز الليل والظلمة

واقف علي نصية حارة

في ايده شماله ماسك مطوه

وفي ايده يمينه لففله سيجارة

واقف مستني يثبت اللي يعدي

حتى لو كان فقير غلبان

او يمكن نازل عز الليل

لجل يجيب دواء لعيان

خفافيش الليل ملهمش ما بنا مكان

خفافيش الليل غصون دبلانه

والاسم اشجار

وزي ما فيه خفافيش في الليل

فيه كمان خفافيش في النهار

واقف لجل بنت تعدي لجل يغلس

فاكره نفسه واد اسطورة بس مفلس

الاسطورة أخلاقة معروفه لينا كويس

انت مجرد رسم وصورة لشب معنس

مين قال انك كده تبقا شب كويس

وناس تتفرج خيفه تقرب

فين النخوة فين الرجولة

لما تشوف بنت ضعيفة

وشب عليها وقف يغلس

والبوكس واقف علي الشارع معداش

ولو حتي عدا يعدي بعيد كأنه مجاش

خفافيش الليل ملهمش ما بنا مكان

خفافيش الليل خسارة فيهم اسم انسان

خفافيش الليل مجرد وهم صنعه كيان

لجل يحارب بلدي وينشر فيها سموم

اوعى تتعاطف وتقول دي هموم

او فقر او اي شيء كان

خفافيش الليل مجرد لعبه من صنع كيان

#رزق_عبدالله

 

 10

 

 

 

 

 

 

 

 

 

 

شاهد أيضاً

مع أكبر مجمع سجون..مش هتقدر تغمض عينيك

مختار محمود في اليوم التالي لافتتاح أكبر مجمع للسجون، الذي تم الإعلان والترويج له مؤخرًا، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *