الجمعة , سبتمبر 17 2021

العميد ناجي انس و قصيدة ‘احباط’ اهداء لروح شهداء البطرسية

 

بقلم الشاعر العميد ناجي أنس مدير العلاقات العامة بمديرية امن الاسكندرية
متابعة جورجيت شرقاوي
احباط )
اعملوا براحتكوا مابدا لكوا
برضه انتوا الملاعين
مهما عملتوا وعملتوا
هددتوا ولا حرقتوا
خربتوا ولا قتلتوا
جاين لحساب الملكين

بس يكون فى حسابكوا
عمركوا يوم ماتهزوا
ولا تقدر ألاعيبكوا
على ناس مصرين
خليكوا على عيبكوا
بالعربى كده عقابكوا
نار حاميه تناسبكوا
تتسوا على الجنبين

كلنا هنا فى عزاكم
صعب علينا بكاكم
ودموعكم علي عينا
حالنا بقى من حالكوا

وازى يوم ننساكم ؟
ولا تهونوا علينا
قبل اما نعزيكم
حق اولادكوا وجالكوا

جه على ايد حراسكوا
اللى حتفضل حارسه
اهاليهامع ناسها
ولا همنا م الخسه
ولا غدر لناس ناقصه
ولا بيهزنا كارثه
واللى ماليهم مله
ولا دين اه ولا حوله
بكره يعيشوا مزله
وده ضعف ومش قوه

خونه وم الاحباط
قتلوا لمسالمين ؟
واختاروا اوقات
صوم لمصلين
جايين على اقباط
اصل المصرين

اللى اليوم دا مات
هو من العايشين
مقبول بالصلوات
وشهيد يوم الدين .

شاهد أيضاً

خواطر يسارية

التنويعات اليسارية التي يمكنان تقابلها اللحظة مدعاة للتوقف …هناك يساريون ارثوذكس ..ماركسيون لينينيون ستالينيون زي …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *