السبت , سبتمبر 18 2021
عبدالرحمن السموري

(فوبيا الشتا)

فوبيا الشتا فوبيا الوداع
فوبيا اللي راح وَيَا اللي باع
فوبيا الفوبيا من الإقتراب
فوبيا الخوف من الأغراب
يكفيني كام واحد شافني عرفني
فهمني فجأة صاحبني
مش هغامر بالخروج
فدنيا زحمة والجو موج
احتاجتلك وانا كنت خايف
بس بردوا كنت شايف
إن ضعفي ف حبي ليكي
مش مهانه
ومش خسارة ابدا عليكي
كنت مِنّك ولقتني فيكي
من هنا تبدأ قصة جرح
مع كل بداية شتا
تختفي كل التفاصيل للفرح
يبدأ ينزف الجرح فجرح
من داخل أوضة مقفولة عليك
ماسك ف ايديك
كوباية شاي
نفسك تنسي وتعيش الجاي
غرقان فغبار دخان أخبار
بيخليك عايش يومك ف نهار
تظهر متلازمة فقد الشئ
ينضح جسمك فصديد وحريق
وكإنك بتعاتب جرحك
أو بالأحري بتعاقب فرحك
يبتدي يكبر الشرخ كتييير
تدخل تفاصيل
يتحول فرع لنهر النيل
قلبك شغال عماله بينزف
حالك يقرف
وكإنك ومصاب بجُزام
كلها أيام
عالفصل ويخلص
أو يمكن اخلِص
وتعيش الزكري
تتحول فكرة
لشخص جبان
كلها أيام ؟؟؟؟؟
كلمات :د/عبدالرحمن السموري

شاهد أيضاً

مع أكبر مجمع سجون..مش هتقدر تغمض عينيك

مختار محمود في اليوم التالي لافتتاح أكبر مجمع للسجون، الذي تم الإعلان والترويج له مؤخرًا، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *