الجمعة , مارس 29 2024
عبدالرحمن السموري
عبدالرحمن السموري

(شهادة خبرة)

مش هكتب فيها قصايد تانية
يدوبك ثانية دابت فيها
كنت ف يوم متعلق فيها
كنت ف يوم مخنوق انا بيها
واما الحظ ف يوم انا جاني
صبحت الجاني !!!!
كنت مريض
بهواسها اكيد
وكأني ف عيد
أعرف واحدة واسيب التانية
كل حياتي صبحت فانية
من غير طعم وريحة ولون
كلي هموم
نفسي ف يوم
أقدر أقوم
من دوامة حلمي الفاضي
لأجل ما اكون انا يوم القاضي
علشان احكم بالإعدام
علي نفسي أوام
واخلص من تأنيب لضميري
عن جرح ف يوم سببته لغيري
انا مش زاهد ولا قديس
كنت ف حبك عيل سيّس
شاب مراهق !!!
عاجبه الجرح وشرب القهوة
حبي انا ليكي أسوة شهوة
بس خلاص انا نفسي اتسدت
سِمك فيا خلاني قدك
كل أحلامي معاكي اتهدت
لما وقفت معايا انا ضدك
بس الحق لازم يتقال
ليكي ف جسمي شئ مسموع
آنة مرض لجوع موجوع
عَجز الطب عن الموضوع!!!
اصل الجرح سارح ف الروح
صعب تلمه مليون إبرة
ليكي انا مني شهادة خبرة
منتج اصلي للإدمان
بتبيعي فيه بالمجان!!!
شرب سجاير /قهوة وسادة وشها فاير
كرشة نفس /حلم اتحبس
هرمون لهموم /أدوية للنوم
كنت انا بيكي ف يوم موهوم
كلمات د/عبدالرحمن السموري

شاهد أيضاً

ليلة أخرى مع الضفادع

في ضوء احداث فيلم الوصايا العشر بشأن خروج بني اسرائيل من مصر التى تتعلق بالضربات …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.