الخميس , نوفمبر 7 2019
الرئيسية / أخر الاخبار / بالفيديو: تسريب مكالمة تليفونية بين إبراهيم عيسى والدكتور البرادعى .

بالفيديو: تسريب مكالمة تليفونية بين إبراهيم عيسى والدكتور البرادعى .

أذاع الإعلامي أحمد موسى خلال برنامجه “على مسئوليتي” المذاع على قناة “صدى البلد”، السبت 14 يناير، تسريبا هاتفيا بين الدكتور محمد البرادعي والإعلامي إبراهيم عيسى.

وقال البرادعى خلال المكالمة: “لازم يا إبراهيم الناس اللي في السجون دول يتحكموا.. بقولك هطلع بكرة على الهواء”.

ورد عليه “عيسى”:”إحنا أتفقنا منرحوش مع حضرتك في مكان معلن إلا معانا 500 فرد بتوعنا.. انت بتمثل حلم مش بتمثل نفسك الآن، ولا بد أن نتوخى الحذر من القوى المعادية، ولا بد من التعامل بعدم العفوية؟، وأنت قيمة منفردة بذاتك ومينفعش تنزل في إعلان مع الفنانين وإعلان صوت بنعم”.

البرادعي: “أنا معرفش دي يا إبراهيم”

عيسى: “اللي موجود في المصري اليوم والشروق الأيام دي إعلانات يا دكتور الحملة لوحدنا إحنا منفردين”.

البرادعي: “لا يا إبراهيم معرفش أتوصل وشوف مين”

عيسى: “أولوياتي النهاردة بين الصورة والإعلان والمنشن، أنت مفاوض عظيم ولا تتنازل أبدًا ولا تترك ما بدأت.. اللي قلقني أكتر أن فيه محاولة لتجنيد نظام جديد.. لا لا أكتر من النظام القديم.. تسليم النظام إلى نظام دين، ويسلموا شوية للنظام الديني ويرجعو ياخدوه تاني”.

البرادعي: “الناس البلطجية لسه حرة طليقة بتشتغل زي ماهي عايزة، وبعدين واحد زي وزير الداخلية أو طنطاوي بيتكلموا دلوقتي، فيه حاجة مش مظبوطة يابراهيم زي مافتحوا معركة الجمل .. وفاكر يوم نقابة الصحفيين”.

“عيسي”: “ايوه علشان كده بقولك في قوى متواطئة للغاية ولازم الحساب”.

البرادعي: “لا لا يابراهيم عايزين نفضحهم.. وفي واحد بيقولوا مصر مريضة اسمه إيه الرجل الحمار اللي كان رئيس مجلس الشعب كان عايز يترشح أمين عام الجامعة العربية.. يعني إحنا بنتعامل مع النظام القديم.. ولا بد أن نتصدى لها من خلال تويتر”.

عيسى: “لا لا البيان يطلع من الحملة ويكون من الشباب بتاعتنا ونقول نرفض إعادة النظام القديم وعدم محاسبته، وتتساءل عن بعض الأمور” .

البرادعي: “واضح يا إبراهيم في حالة نظام قديم مستمرة”.

عيسى: “ضيف عنصر تحالفهم مع الإسلاميين وخرجوا عبود الزمر وغيرهم، وبيتعملوا وكأنهم نيلسون مانديلا حاجة كده مش عارف بيعملوا كده ليه”.

البرادعي: “شوفت يا إبراهيم التويتة اللي كتبتها إمبارح عن دعوة الإسلاميين للتصويت .. حاجة صعبة أنا شايف أن ييجي رئيس متوافق عليه من الجميع وهو ده السيناريو”.

شاهد أيضاً

النيابة تصرح بدفن جثمان هيثم بعد الانتهاء من تشريحه ، ومفاجآت جديدة في سبب الوفاة .

أمل فرجبعد تشريح جثمانه ظهرت مفاجآت جديدة فى واقعة العثور على الفنان هيثم أحمد زكي، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *