السبت , سبتمبر 25 2021
أخبار عاجلة
مدحت عويضة

فاكسات مهاجر : بقلم : مدحت عويضة

 السيسي

بعد الحكم بحفظ قضية سيدة الكرم حابب أهدي سيادتك أغنية ” أتاريك بياع كلام”.

جمعيات الرفق بالحيوان

لو زعلانيين من دبح الخرفان في عيد الأضحي في مصردلوقتي بيدبحوا الأقباط طول السنة.

شباب مصر

حلفتوا بقرأنها وأنجيلها بهرمها بعلمها بشوارعها بحواريها بنيلها بترابها برمالها بعيون بهية تيران وصنافير مصرية.

مصطفي بكري

بيقولوا أنك بتفرط في الأرض قولت ما أنتوا عارفين ده تربية مين.

أحمد موسي

وصلتني إشاعة أنك خريج رفاعة الطهطاوي الثانوية العسكرية بطهطا، قولت لو ده صحيح هقطع شهادة الثانوية وأمسح عاري.

إبراهيم عيسي

أوعي تزعل ما أنت عارف بتوع المخابرات أول مصلحتهم ما تخلص. أول شئ يتخلصوا منه إللي خلص لهم المصلحة.

يوسف الحسيني

خلي بالك الدور عليك الزمن مش زمانك ولا زمن عيسي ده زمن بتاع الفلفل وإبن الكلاف.

ترامب

الفرق بين سياسة ترامب وأوباما هو الفرق بين داليا مجاهد الإخوانية ودينا حبيب المصرية.

الإخوان المسلمون

باقي علي الحلو دقة يعملها ترامب ويضعكم علي قوائم المنظمات الإرهابية ونسمعكم أغنية محمد فؤاد بودعك.

ياسر برهامي

يمنعوا إبراهيم عيسي من الكلام وأنت حر طليق علشان تعلم الناس الدبح الشرعي علي أصوله … وسلملي علي دولة المواطنة.

الجالية المصرية بكندا

 الجالية الصومالية عمرها في كندا 25 سنة واخدوا وزارة وأحنا شغالين نكعبل في بعض.

جاستن ترودو

عمري ما شعرت بندم الشارع الكندي علي شئ قد ندمهم أنهم انتخبوك.

المنتخب المصري

بعد ما مالي قطعتنا بقول وأنا مالي وأتابع ليه هي ناقصة ضغط وسكر.

شاهد أيضاً

أسقف مونستر: فيليكس جين يترأس قداس تدشين كنيسة الأنبا أنطونيوس في مدينة جروناو الألمانية!

د.ماجد عزت إسرائيل  في 22 أغسطس 2021 م ترأس أسقف مونستر الدكتور فيليكس جين قداس …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *